လက်ရှိအခြေအနေများအရ ပြည်ပမှ ဆီပိုမိုတင်သွင်းနိုင်ရေးအတွက် မြန်မာနိုင်ငံတော် ဗဟိုဘဏ်အနေဖြင့် ဈေးကွက်လိုအပ်ချက်အပေါ် အပြည့်အဝပံ့ပိုးပေးနိုင်ရန် မတ်လ ၂၃ ရက်နေ့တွင် စက်သုံးဆီတင်သွင်းသည့် ကုမ္ပဏီများအား အမေရိကန်ဒေါ်လာ ၄၅ သန်းကို သက်ဆိုင်ရာ ဘဏ်များမှ တစ်ဆင့် ရောင်းချပေးခဲ့ကြောင်း သိရသည်။
ထို့ပြင် မြန်မာနိုင်ငံတော်ဗဟိုဘဏ်မှ ဈေးကွက်လိုအပ်ချက်အရ FX Trading Platform တွင် သွင်းကုန် လုပ်ငန်းရှင်များအတွက် ထိုင်းဘတ် သန်း ၅၀ ကိုလည်းရောင်းချပေးမည်ဖြစ်သည်။
ယင်းအပြင် ဗဟိုဘဏ်မှ CMP ကုမ္ပဏီများထံမှ ဝယ်ယူထားသည့် နိုင်ငံခြားငွေများအနက် အမေရိကန်ဒေါ်လာ ၁,၃၃၉,၃၆၆.၉၉ အား စားသုံးဆီ တင်သွင်းသည့်ကုမ္ပဏီများသို့လည်းကောင်း ရောင်းချပေးခဲ့သည်။
FX Trading တွင် စားသုံးဆီမှ (၇) ရာခိုင်နှုန်း ၊ စက်သုံးဆီမှ (၅၀)ရာခိုင်နှုန်း၊ ဓာတ်မြေဩဇာမှ (၁) ရာခိုင်နှုန်း ၊ ဆေးဝါးနှင့် ဆေးဝါးကုန်ကြမ်း ပစ္စည်းများမှ (၇) ရာခိုင်နှုန်း၊ စက်မှုကုန်ကြမ်းမှ (၅)ရာခိုင်နှုန်း၊ စားသုံးကုန်စည်မှ (၈)ရာခိုင်နှုန်း၊ ကား/ဆိုင်ကယ်အပိုပစ္စည်းမှ (၃) ရာခိုင်နှုန်း ၊ အီလက်ထရောနစ်ပစ္စည်းများမှ (၁) ရာခိုင်နှုန်း၊ အခြားကုန်ပစ္စည်းများနှင့် Non Trade Transation များမှ (၁၀) ရာခိုင်နှုန်း အသီးသီး နိုင်ငံခြားငွေဝယ်ယူရရှိခဲ့ကြောင်း သိရသည်။