ဂျာမနီနိုင်ငံ ကြက်ခြေနီအသင်းက ပေးပို့သော တန်ချိန် (၄၂) တန်ကျော်ရှိ လူသားချင်း စာနာမှုဆိုင်ရာထောက်ပံ့ပစ္စည်းများကို လက်ခံရရှိကြောင်း မြန်မာနိုင်ငံကြက်ခြေနီအသင်းထံက သိရသည်။
လှူဒါန်းသော ပစ္စည်းများတွင် တစ်ကိုယ်ရည်သန့်ရှင်းရေးသုံးပစ္စည်းများ၊ အိမ်ဆောက်အထောက်အကူပြုပစ္စည်းများ၊ ယာယီရွက်ဖျင်တဲများ၊ တာပေါ်လင်စများ၊ ဂျယ်လီကန်ရေသန့်ဘူးများ၊ စောင်များ ၊အခင်းဖျာများ ပါဝင်သည်။
ဧပြီလ(၁၃)ရက်က ရန်ကုန်အပြည်ပြည်ဆိုင်ရာလေဆိပ်တွင် ပြုလုပ်ခဲ့သည့် အဆိုပါ လွှဲပြောင်းပေးအပ်ပွဲသို့ အသင်းအလုပ်အမှုဆောင် ပါမောက္ခဒေါက်တာတင်မောင်လှိုင် ၊ ဦးကျော်မိုးကြည်၊ လက်ထောက်အထွေထွေအတွင်း ရေးမှူးဒေါ်အိအိထွေးနှင့် တာဝန်ရှိသူများ၊ အပြည်ပြည်ဆိုင်ရာကြက်ခြေနီနှင့် လခြမ်းနီအသင်းများ ဖက်ဒရေးရှင်းမှ တာဝန်ရှိသူများ၊ ဂျာမနီနိုင်ငံ ကြက်ခြေနီအသင်းမှ Dr. Tim Bray နှင့် Ms. Celine Charbel နှင့်တာဝန်ရှိသူများ တက်ရောက်ခဲ့ကြကြောင်း သိရသည်။
မြန်မာနိုင်ငံ ကြက်ခြေနီအသင်းအနေဖြင့် လှူဒါန်းပစ္စည်းများအား ငလျင်ဒဏ်သင့်ပြည်သူများ လက်ဝယ်သို့ ရောက်ရှိစေရန် စီစဉ်ဆောင်ရွက်လျှက်ရှိကြောင်း သိရသည်။