ဂျပန်နိုင်ငံတွင် ကျင်းပမည့် U12 Junior Soccer World Challenge 2026 ပြိုင်ပွဲတွင် ဝင်ရောက်ယှဉ်ပြိုင်မည့် မြန်မာ ယူ-၁၂ ဘောလုံးအသင်းအတွက် ကစား သမားရွေးချယ်ပွဲကိုယနေ့ ဇူလိုင် ၁၁ရက် တွင် ရန်ကုန်နှင့်မန္တလေးမြို့တို့၌ တစ်ပြိုင်နက် စတင်ပြုလုပ်ခဲ့ကြောင်း သိရသည်။
ရွေးချယ်ပွဲ ပထမနေ့တွင် ရန်ကုန် အမျိုး သားဘောလုံးအကယ်ဒမီ၌လူငယ်ကစား သမား ၄၂ ဦး၊ မန္တလေး မြန်မာဘောလုံးအကယ်ဒမီ၌ ၂၀ ဦး လာရောက်အစမ်းရွေးချယ်ခံခဲ့ကြောင်း သိရသည်။
မြန်မာနိုင်ငံဘောလုံးအဖွဲ့ချုပ် (MFF) က နိုင်ငံတစ်ဝန်းရှိ အသက်အရွယ်သတ်မှတ်ချက်နှင့် ကိုက်ညီသည့် လူငယ်ကစားသမားများအားလုံး ပါဝင်ယှဉ်ပြိုင်ခွင့်ရရှိစေရန် ရည်ရွယ်၍ ယခုရွေးချယ်ပွဲကို စီစဉ်ကျင်းပခြင်းဖြစ်ကြောင်း ထုတ်ပြန်ထားသည်။
မြန်မာ ယူ-၁၂ အသင်း ကစားသမားရွေး ချယ်ပွဲကို ဇူလိုင် ၁၂ ရက်အထိ ဆက်လက်ကျင်းပသွားမည်ဖြစ်ပြီး၊ ထူးချွန်သည့် လူငယ်ကစားသမားများကို ရွေးချယ်ကာ ဂျပန်နိုင်ငံတွင် ကျင်းပမည့် U12 Junior Soccer World Challenge 2026 ပြိုင်ပွဲအတွက် အသင်းဖွဲ့စည်းသွားမည်ဖြစ်သည်။