အမေရိကန်နိုင်ငံ၊ နီးဗားဒါးပြည်နယ် လက်ဗီးဂက်စ်မြို့ T-Mobile Arena ၌ ဇွန်၂၈ ရက် ဒေသစံတော်ချိန် ည ၇ နာရီ (မြန်မာစံတော်ချိန် ဇွန် ၂၉ ရက် မနက်ပိုင်း)တွင် ကျင်းပပြုလုပ်မည့် UFC 317 ပွဲစဉ်၌ ချင်းတိုင်းရင်းသားဖိုက်တာ ဂျော့ရှုဝါဗန်နှင့် UFC ဖလိုင်းဝိတ်အဆင့် (၁) ရှိ ဘရန်ဒန်ရိုဗာတို့ ယှဉ်ပြိုင်ထိုးသ-တ်သွားမည်ဖြစ်သည်။
ယခုပွဲစဥ်တွင် UFC Number Events ရှေ့ထွက်တွဲဆိုင်း (Prelims Card)နေရာ၌ ထိုးသတ်ခဲ့ရသည့် ဂျော့ရှုဝါဗန်အနေဖြင့် ခေါင်တွဲဆိုင်း(Main Card)တွင် ပါဝင်ထိုးသတ်ခွင့် ရထားခြင်းဖြစ်သည်။
ပြိုင်ဘက် အမေရိကန်နိုင်ငံသား အသက် ၃၂ နှစ်အရွယ် ဘရန်ဒန်ရိုဗာသည် ဖလိုင်းဝိတ်ချန်ပီယံ အလက်ဇန်ဒရီ ပန်တိုဟာဖြင့် UFC 296 ပွဲစဉ်၌ ခါးပတ်လုခဲ့ဖူးပြီး အမှတ်ဖြင့်ရှုံးနိမ့်ထားကာ UFC မှာ ၁၀ ပွဲကစား ၇ ပွဲနိုင် ၃ ပွဲ ရှုံးနိမ့်ထားသူဖြစ်သည်။
UFC 317 ပွဲစဉ်၌ ဖလိုင်းဝိတ် အဆင့် (၁) နေရာက ဘရန်ဒန်ရိုဗာနှင့် အဆင့် ၆ နေရာက မာနယ်ကပ်တို့ ထိုးသ-တ်ရမည်ဖြစ်သော်လည်း မာနယ်ကပ်မှာ ဒဏ်ရာကြောင့်နုတ်ထွက်သွားခြင်းကြောင့် ဂျော့ရှုဝါဗန်က အစားထိုးဝင်ရောက် ထိုးသ-တ်ရခြင်းဖြစ်သည်။
မြန်မာပြည်ဖွား ချင်းလူငယ်ဖိုက်တာ ဂျော့ရှုဝါဗန်သည် ပြီးခဲ့သည့် ဇွန် ၇ ရက် UFC 316 ပွဲစဉ်အတွင်း ဖလိုင်းဝိတ် အဆင့် ၁၂ ရှိ ဘရူနိုဆေးလ်ဗားကို အလဲထိုးဖြင့် အနိုင်ရရှိခဲ့ပြီး ၄ ပွဲဆက် အနိုင်ရယူထားသူဖြစ်ကာ UFC ၌ ၈ ပွဲကစား ၇ ပွဲနိုင် ၁ ပွဲရှုံး မှတ်တမ်းဝင်ထားသူဖြစ်သည်။