မန္တလေးငလျင်ကြီးကြောင့် ကျောက်ဆည်ရှိ ထိခိုက်ပျက်စီးခဲ့သည့် အန္တရာယ်ရှိအဆောက်အအုံ (၂၈၉)လုံးအနက်မှ အဆောက်အအုံ (၂၃၀) လုံးအား ရှင်းလင်းဆောင်ရွက်နိုင်ခဲ့ကြောင်း သိရသည်။
မန္တလေးတိုင်းဒေသကြီး ကျောက်ဆည်ခရိုင်အတွင်းရှိငလျင်ဒဏ်သင့် အဆောက်အအုံများကို SOP စနစ်ဖြင့် ဘုတ်အဖွဲ့များ ဖွဲ့စည်းစစ်ဆေးခဲ့ရာ လက်ရှိအချိန်အထိ အဆောက်အအုံ (၅၈၂၇)လုံးအား စစ်ဆေးခြင်းဆောင်ရွက်ခဲ့ကြောင်း သိရသည်။
ထို့ပြင် ပြန်လည်ပြုပြင်နေထိုင်နိုင်မည့် အဆောက်အအုံ (၅ ၅၃၈)လုံး၊ ဦးစားပေးဖြိုဖျက်ရှင်းလင်းရမည့် အန္တရာယ်ရှိအဆောက်အအုံ (၂၈၉)လုံးမှ အဆောက်အအုံ (၂၃၀)လုံးအား ရှင်းလင်းဆောင်ရွက်နိုင်ခဲ့ပြီး ဆောင်ရွက်ရန်ကျန် အဆောက်အအုံ (၅၉)လုံးဖြစ်ကြောင်း သိရသည်။
ကျောက်ဆည်ခရိုင်အတွင်းရှိ ငလျင်ဘေးသင့်ပြည်သူများအတွက် ပျက်စီးသွားသော အဆောက်အအုံများ ပြန်လည်ပြုပြင်တည်ဆောက်ရာမှာ လိုအပ်လျက်ရှိသော ဘိလပ်မြေ၊ သံချောင်းနှင့် အထပ်သားပြားများအား စက်ရုံထုတ်အထူးဈေးနှုန်းဖြင့်ရရှိရေးကို ကျောက်ဆည်မြို့၊ ခရိုင်အထွေထွေအုပ်ချုပ်ရေးမှူးရုံးက စီမံဆောင်ရွက်ပေးခဲ့ပြီး မေလ(၄)ရက်တွင် ဟိုပုံးမြို့မှ ထုတ်လုပ်သော ရှမ်းရိုးမဘိလပ်မြေ (၈၉၆၂)အိတ်၊ ကျောက်ဆည်မြို့၊ M-Steel သံမဏိစက်ရုံမှ ထုတ်လုပ်သော (HRB-400) 10mm (3.9kg) သံချောင်း (၂၃.၂၅) တန်၊ (HRB-400) 16mm (11.5kg) သံချောင်း (၄၂.၇၅)တန်နှင့် ကျောက်ဆည်မြို့၊ ကံကောင်းခြင်းရတနာ ထုတ်လုပ်မှုလုပ်ငန်း ကုမ္ပဏီလီမိတက် (Jew ellery Luck Production Company) သစ်အချောထည်စက်ရုံမှ ထုတ်လုပ်သော 7mm(grade-B) အထပ်သား (၄၈ ၅)ချပ် အသီးသီးတို့အား ပြည်သူများလက်ဝယ်သို့ တိုက် ရိုက်ရောင်းချပေးခဲ့ကြောင်း သိရသည်။