လေကမှာရှိသမျှ အမျိုးမျိုး အထွေ ထွေသော သူခိုးတွေထဲမှာ ‘စာအုပ်သူခိုး’ဆိုတာလည်း ပါဝင်ပြီး စာအုပ်သူခိုးများထဲမှာလည်း အမျိုး အစားတွေ အကွဲကွဲ အပြားပြားရှိနေ ကြပြန်ပါတယ်။ စာအုပ်သူခိုးအမျိုး အစား ဘယ်ရွေ့ဘယ်လောက်ရှိသလဲ ဆိုတာတော့ ကျွန်တော်က သုတေ သနလုပ်မထားတော့ ပြောမပြနိုင်ဘူး ပေါ့လေ။ ထူးခြားတဲ့စာအုပ်သူခိုး တစ်ယောက်တော့ တွေ့ဖူးတယ်။
၁၉၉၀ ပြည့်နှစ်လောက်က မှတ်ပါရဲ့။ အဲသည်တုန်းက ‘စာအုပ် အငှားဆိုင်ခေတ်’ မဟုတ်လား။ လူ တွေ အရမ်းစာဖတ်ကြတယ်။ ‘လူ လိမ္မာခေတ်’လို့ ဆိုရမှာပေါ့။ အဲသည် မှာ တချို့က မေးကြမယ်။ ‘ဟိုတုန်း က လူလိမ္မာခေတ်ဆိုတော့ လက်ရှိ ခေတ်ကကော ဘာခေတ်လဲ’လို့။ လက်ရှိခေတ်ကတော့ လူလိမ္မာခေတ် ထက် ပိုပါတယ်။ ‘အလိမ္မာတုံးခေတ်’ ကြီးမဟုတ်လား။ အရွယ်ရောက်ပြီး လူတစ်ရာမှာ လူကိုးဆယ်လောက် မိုဘိုင်းဖုန်းကိုင်နိုင်တယ်။ (ဟန်းဆက် တွေ ဈေးချိုအောင် လုပ်ပေးတဲ့ ပေါက်ဖော်ကြီးကို ကျေးဇူးတင်ရမှာ ပေါ့။) ဆိုက်ကားသမားမှာတောင် ဖုန်းနဲ့။ (အိန္ဒိယမှာတော့ လမ်းဘေး က ဖရဲသီးရောင်းတဲ့ ကုလားမကြီး တောင် လွန်ခဲ့တဲ့နှစ် ၂၀ ကျော် လောက်ကတည်းက ဖုန်းကိုင်နိုင်နေ ပြီ။ အော် …အိန္ဒိယဆိုတာက IT ထိပ်သီးနိုင်ငံကြီး မဟုတ်ပါလား။) ဘာပြောပြော။ ကျွန်တော်တို့ နိုင်ငံ သားတွေလည်း ဆင်းရဲကြတဲ့ ကြား က နည်းပညာအသီးအပွင့်တချို့ကို စားသုံးခွင့်ရနေကြတာဟာ မုဒိတာ ပွားစရာပါ။ ဘိုးတော်ဘုရားလက် ထက်နဲ့တော့ တခြားစီပဲနော့။
ကျွန်တော့်မိတ်ဆွေတစ်ယောက် ရဲ့ သားကလေးဟာ အသက် ၆ နှစ်ပဲ ရှိသေးတယ်။ ဖုန်းပြောတတ်နေပြီ။ FB ကြည့်တတ်နေပြီ။ ဂိမ်းဆော့တတ် နေပြီ။ မိတ်ဆွေက သူ့သားကလေး အတွက် အရမ်းဂုဏ်ယူနေတယ်။ သည် တော့ …ကျွန်တော်က …။
“ကြီးလာတဲ့အခါ ဒီကလေး အိုင်တီပညာမှာ ဘယ်လောက်ထူးချွန် လာမလဲဆိုတာတော့ မပြောတတ်ဖူး ကွ။ မင်းတောင် အရွယ်မတိုင်ခင် မျက်စိမှုန်လာပြီး မျက်မှန်တပ်ရလို့ လေးလုံးဘဝရောက်မှာပဲ” လို့ မှတ် ချက်ပေးလိုက်ပါတယ်။ သည်ကလေး မျိုးတွေ ကြီးပြင်းလာတဲ့အခါမယ် “စာအုပ်စာပေ လူ့မိတ်ဆွေ”ဆိုတဲ့ ဆောင်ပုဒ်ကို တွေ့ရင် ဘာမှန်းညာ မှန်းသိကြမှာ မဟုတ်တော့ဘူးလို့ ကျွန်တော်ထင်ပါတယ်။
စာအုပ်သူခိုးအကြောင်းပြောရ အောင်။ အဲသည် ၁၉၉၀ ပြည့်နှစ် လောက်က သူငယ်ချင်းတစ်ယောက် ဟာ ရပ်ကွက်ထိပ်က နေရာကောင်း ကောင်းမှာ စာအုပ်အငှားဆိုင်ကလေး ဖွင့်ပြီး မိသားစုစားဝတ်နေရေးကို နိုင်နိုင်နင်းနင်း ထိန်းကျောင်းနေခဲ့ပါ တယ်။ တစ်နေ့တော့ သူ့စာအုပ် အငှားဆိုင်ကို သွားရင်း စိတ်လှုပ်ရှား စရာဖြစ်ရပ်နဲ့ ကြုံရပါတယ်။
နေ့ခင်း ၁ နာရီလောက်။ ဖောက် သည်ရှင်းတဲ့အချိန်မှာ အသက် ၃၀ လောက် ရှပ်အင်္ကျီအဖြူ ကော်လာ ခေါင်းတုံး၊ ကချင်ပုဆိုးအစိမ်းကွက်နဲ့ စာကြည့်မျက်မှန်တပ်ထားတဲ့ လက် ပတ်နာရီနဲ့ ဘာနဲ့ သားသားနားနား လူရွယ်တစ်ယောက် ဆိုင်ထဲဝင်လာ ပြီး စာအုပ်စင်တွေကြားမှာ “စာမြည်း” နေပါတယ်။ သည်ငနဲကြည့်ရတာ စာဖတ်ဝါသနာအိုး ရုံးဝန်ထမ်းတစ် ယောက်နဲ့တူပါတယ်။ အမူအရာက လည်း တည်ကြည်အေးဆေးလှပါတယ်။
အဲသည် “စာပေချစ်သူ ပညာ တတ်ဟန်ပေါက်နေတဲ့” ငနဲစာမြည်း နေတာ ၁၀ မိနစ်လောက်ကြာပါ တယ်။ စာအုပ်အငှားဆိုင်ပိုင်ရှင် သူ ငယ်ချင်းကလည်း ဆိုင်ထဲကနေ အပြင်ကို ထွက်လိုက် ရုတ်တရက် ပြန်ဝင်လာလိုက်နဲ့ အမူအရာက ဂနာ မငြိမ်ဘူး။ ကျွန်တော်ကလည်း ဆိုင် ပေါက်ဝက ခုံတန်းလျားကလေးမှာ ထိုင်ပြီး မဂ္ဂဇင်းတစ်အုပ်ထဲက “ပေါ့” (Pop မဟုတ်)သတင်းတွေကို သာမန် ကာလျှံကာ လျှောက်ဖတ်နေတယ်။
စာမြည်းနေတဲ့ ငနဲ ဆိုင်ထဲက နေ ပြန်ထွက်ဖို့ ဟန်ပြင်နေတဲ့အချိန် မှာပဲ ဟောင်ကောင်အက်ရှင်ဗီဒီယို ဇာတ်ကားထဲကလို လှုပ်လှုပ်ရှားရှား ဖြစ်သွားပါတယ်။ ဆိုင်ဝကို ဘယ်က ပေါ်လာမှန်းမသိတဲ့ အရန်မီးသတ်ယူ နီဖောင်းနဲ့ ရဲဘော်နှစ်ယောက်က ပိတ်ရပ်ထားလိုက်ပါတယ်။
“ဟိတ်လူ …နေဦး”လို့ သူ ငယ်ချင်းက ကျားဟိန်းသလိုအော်ပြီး စတိုင်ကောင်းတဲ့ စာချစ်သူရဲ့ လက် တစ်ဖက်ကို ဆွဲထားလိုက်တယ်။ စာချစ်သူက မင်သေသေနဲ့ …
“ဘာပြဿနာရှိလို့လဲ။ ကျုပ်က အစိုးရဝန်ထမ်းနော်။ အိုင်ဒီကတ်ပါ တယ်”လို့ ပြောရုံရှိသေး၊ သူငယ်ချင်း က စာချစ်သူကြီးရဲ့ လက်ထဲက သား ရေလက်ဆွဲအိတ်ကို အတင်းလုယူ လိုက်တယ်။ ပြီးတော့ လက်ဆွဲအိတ် ထဲက စာအုပ်တွေကို စားပွဲပေါ် သွန် ချလိုက်တယ်။ စာအုပ်အငှားဆိုင်တွေ က ပုံစံအတိုင်း ကျောဖုံးက ကတ်ထူ၊ ရှေ့ဖုံးက ပလတ်စတစ်နဲ့ ဝတ္တုစာအုပ် အသစ်တွေ၊ အဲဒီတုန်းက အလွန် အငှားလိုက်တဲ့ ‘ဘတ်ဆဲလားတွေပေါ့။
စာအုပ်တွေထဲမှာ သူငယ်ချင်း ဆိုင်က ‘လမင်းမိုမို’ရဲ့ ဝတ္တုတစ်အုပ် လည်းပါတယ်။ တခြားစာအုပ်တွေ စစ်ဆေးကြည့်လိုက်တော့ စာအုပ် တွေမှာ ရိုက်ထားတဲ့ တံဆိပ်တုံးတွေ အရ လှိုင်မြို့နယ်က စာအုပ်ဆိုင်ပါ တယ်၊ မရမ်းကုန်းမြို့နယ်က စာအုပ် ဆိုင်ပါတယ်၊ အင်းစိန်မြို့နယ်က စာ အုပ်ဆိုင်လည်း ပါတယ်။
“စာအုပ်သူခိုး”လို့ အော်ပြီး သူ ငယ်ချင်းက “စာချစ်သူ”ကြီးကို ဘယ် ညာလက်သီးတွဲတွေ ပစ်သွင်းလိုက် တာ စက်သေနတ်သံထွက်လာသလိုပဲ။ သူငယ်ချင်းက လက်ဝှေ့သမားဟောင်း ကိုး။ ဟိုသတ္တဝါလည်း မျက်နှာကြီး ဖူးရောင်ပြီး ငိုသံပါနဲ့ ဝန်ခံပါတယ်။
“ကျ ..ကျ .. ကျွန်တော် စားဝတ်နေရေးမပြေလည်လို့ပါ ..”
“ဟေ့ကောင် ရွှီးမနေနဲ့။ ငါ လည်း စားဝတ်နေရေး မပြေလည်လို့ ချွေးနှဲစာကလေးနဲ့ စာအုပ်ဆိုင် ကလေး ဖွင့်စားရတာကွ”ဆိုပြီး သူ ငယ်ချင်းက မျက်နှာကို ဖောင်းခနဲ မြည်အောင် ဖြတ်ရိုက်ပြန်တယ်။
“ဒီကောင် နယ်လှည့်သူခိုးပဲ” လို့ အရန်မီးသတ်ရဲဘော်တစ်ယောက် က ပြောတော့ စာအုပ်သူခိုးက ငိုသံ ပါကလေးနဲ့ …
“ဟုတ်ပါတယ် ဆရာ။ ကျွန် တော့်မှာ တစ်နေ့တစ်နေ့ ခြေတိုမ တတ်နယ်လှည့်ပြီး ခိုးနေရပါတယ်။ ခိုးလို့ရတဲ့စာအုပ်ကို ရန်ကုန်မြို့ထဲက စာအုပ်ဆိုင်တွေ ပြန်သွင်းတော့လည်း ဈေးနှိမ်ခံရပါတယ် ခင်ဗျာ။ ငါးရာ တန်စာအုပ်ကို နှစ်ရာလောက်ပဲ ပေး ကြပါတယ်။ ဒီလိုခိုးစားတဲ့ကြားက ကျွန်တော့်မိသားစု ထမင်းနပ်မမှန်ပါ ဘူးခင်ဗျာ”လို့ မျက်ရည်ခံထိုးနေတာ ကို သူငယ်ချင်းက လက်မခံပါဘူး။
“တော်တော်ပလီတဲ့ ကောင်ပါ လား။ သွား …ရဲစခန်းမှာ သွား ပလီတော့”
ဒီလိုနဲ့ စာအုပ်သူခိုးကို အရန်မီး သတ်တွေက ရဲစခန်းကို ပို့လိုက်ပြီး စာအုပ်သူခိုး ဘယ်လိုစခန်းသိမ်းသွား သလဲဆိုတာကိုတော့ ကျွန်တော် မပြောတတ်ပါဘူး။
“ဝတ္တုတစ်အုပ်အတွက် ရင်း ထားတဲ့ ငွေပြန်ရဖို့ ၁၀ ရက်လောက် ဆက်တိုက်ငှားရတယ်။ ၁၀ ရက်ကျော် မှ အမြတ်ထွက်တာ။ တစ်ခါ တလေ အငှားကျဲလို့ ဝတ္တုတစ်အုပ်၊ အရင်း ကျေအောင် တစ်လလောက် ငှားရ တယ်။ ဒီကြားထဲ စာအုပ်ပြန်မအပ်လို့ အိမ်လိုက်တောင်းရသေးရဲ့။ လိုက် တောင်းရပြီဆိုကတည်းက စာအုပ် ငှားခဆုံးပြီသာမှတ်။ အခုလို စာအုပ် သူခိုးနောက်ပါသွားလို့ကတော့ မိအေး နှစ်ခါနာ၊ အနာကြီးနာရောပဲ” လို့ သူငယ်ချင်းက ငိုချင်းရှည်ကြီးချခဲ့ ပါတယ်။
စာပေကို ချစ်မြတ်နိုးလွန်းပေ မယ့် စာအုပ်မဝယ်နိုင် မငှားနိုင်တဲ့ အတွက် စာအုပ်သူခိုးဖြစ်ရတဲ့သူတွေ လည်း ရှိကြပါတယ်။ ဒါလည်း ခွင့် လွှတ်လို့ မရပါဘူး။ “တစ်တက်စား လည်း ကြက်သွန်၊ နှစ်တက်စားလည်း ကြက်သွန်”ဆိုတာမျိုး သူခိုးကတော့ သူခိုးပါပဲ။
ကျွန်တော်လည်း စာအုပ်သူခိုး ပါ။ ကျွန်တော်စာအုပ်ခိုးတဲ့အရွယ်က ကျောင်းမနေရသေးတဲ့ ၅ နှစ်ထဲ ဝင် ခါစ အရွယ်။ အိမ်ရှေ့အိမ်က မိသား စုတွေ ခရီးသွားတုန်း သူတို့အိမ် အောက်ဝင်ကြည့်တော့ စာအုပ် ဟောင်းတွေ ပုံထားတာတွေ့ကော။ အဲသည်စာအုပ်တွေထဲက ကမ္ဘာဦး လူရိုင်းတွေရဲ့ ပုံတွေပါတဲ့ စာအုပ် ခိုးလာခဲ့တာ။ စာဖတ်တတ်မှ ဖတ် ကြည့်တော့ အဲသည်စာအုပ်က “ပညာတန်ဆောင်”ဆိုတဲ့ ပညာရေး မဂ္ဂဇင်းပါ။
ကိုယ်က မသိနားလည်ဘဲ တစ် ခါပဲ စာအုပ်ခိုးမိပါတယ်။ ကိုယ့်အလှည့် ကျတော့ စာအုပ်အခိုးခံရတာ အကြိမ် ပေါင်းများစွာပါပဲ။ ဝဋ်ပဲ ထင်ပါရဲ့။
ကြူးနှစ်