ပေကျင်း၊ဇန်နဝါရီ ၃
တရုတ်နိုင်ငံ၌ ကိုဗစ်ကပ်ရောဂါဖြစ်ပွားပြီး နောက်ငါးနှစ်အကြာတွင် ယခုအခါ ဗိုင်းရပ်စ်အသစ်တစ်မျိုး ထပ်မံပျံ့ပွားလျက်ရှိကြောင်းသိရသည်။ အဆိုပါဗိုင်းရပ်စ်ရောဂါသည် Human metapneumovirus (HMPV) အမည်ရှိသော ရောဂါတစ်မျိုးဖြစ်ပြီး ၎င်းရောဂါသည်လျင်မြန်စွာကူးစက်ပျံ့နှံ့လျက်ရှိကာ ဆေးရုံများတွင်လူများပြည့်နေသည်ဟုလည်းဆိုကြသည်။
အဆိုပါရောဂါကြောင့် ဆေးရုံများတွင်လူများပြည့်နေသည်ဟူသောသတင်းများနှင့် အွန်လိုင်းဗီဒီယိုများလည်းပျံ့နှံ့လျက်ရှိကာ အာဏာပိုင်များက အဆိုပါရောဂါအားအတည်မပြုထားသေးသော်လည်း နိုင်ငံတွင်းအရေးပေါ်အခြေအနေတော့ကြေငြာထားကြောင်းသိရသည်။
HMPV သည် တုပ်ကွေးဆန်သောလက္ခဏာများရှိပြီး အချို့လက္ခဏာများသည် ကိုဗစ်နှင့်ဆင်တူကြောင်းသိရပြီး တရုတ်နိုင်ငံ၌ လက်ရှိတွင် ကျန်းမာရေးဝန်ကြီးဌာနမှတာဝန်ရှိသူများက အခြေအနေကိုသေချာစောင့်ကြည့်ကိုင်တွယ်လျက်ရှိသည်ဟုလည်းဖော်ပြထားသည်။
လတ်တလော၌ အွန်လိုင်းသတင်းများတွင် တရုတ်နိုင်ငံ၌ HMPV ၏ အခြေအနေမှာ စိုးရိမ်ရသဖြင့် နိုင်ငံတွင်းအရေးပေါ်အခြေအနေကြေငြာထားရသည်ဟူသော သတင်းများပျံ့နှံ့နေသော်လည်း တရုတ်နိုင်ငံ၏ ရောဂါရှာဖွေရေးနှင့်ထိန်းချုပ်ရေးဌာနကမူ ၎င်းတို့အနေဖြင့် အတည်မပြုနိုင်သေးဘဲ ဆောင်းရာသီတွင်အဖြစ်များသည့် အသက်ရှူလမ်းကြောင်းဆိုင်ရာရောဂါနှင့်လည်း တိုက်ဆိုင်စစ်ဆေးမှုများပြုလုပ်နေသည်ဟု ရိုက်တာသတင်းဌာနကဖော်ပြထားသည်။
Source : အင်န်ဒီတီဗွီ