ရန်ကုန်တိုင်း၊ ရန်ကင်းမြို့နယ်၊ ကမ္ဘာအေးဘုရားလမ်းမပေါ် ၁၀၆ မှတ်တိုင်နှင့် ချော်တွင်းကုန်းမှတ်တိုင်ကြားတွင် MRTV 4 ၏ ခင်ပျိုမဒီအစီအစဥ်ပဲ့ကိုင်ရှင် မနန်းမေမွန်မောင်(၃၈)နှစ်သည် အောက်တိုဘာ ၂ ရက်ညပိုင်းက ကားတိုက်ခံရမှုကြောင့် ထိခိုက်ဒဏ်ရာများရရှိပြီး ယင်းနေ့ည ၁၀ နာရီ ၄၀ မိနစ်၌ကွယ်လွန်သွားခဲ့ကြောင်း သိရသည်။
ကားတိုက်ခံရပြီးချိန်၌ မနန်းမေမွန်မောင်မှာ ထိခိုက်ဒဏ်ရာများ(စိုးရိမ်ရ)ရရှိထားသဖြင့် မိုးစေတနာပရဟိ တအသင်း(ရန်ကုန်)နှင့် လူငယ်ရိပ်မွန်(Y.I.C)အသင်းတို့မှကူညီမှုများပြုလုပ်ပေးခဲ့ကြပြီးနောက် မြောက်ဥက္ကလာဆေးရုံသို့ပို့ဆောင်ပေးခဲ့ကြကြောင်း သိရသည်။
ထိုသို့ ပို့ဆောင်ပေးခဲ့ကြသော်လည်း မနန်းမေမွန်မောင်မှာ ပြင်းထန်စွာထိခိုက်ဒဏ်ရာများရရှိထားမှုကြောင့် ည ၁၀ နာရီ ၄၀ မိနစ်တွင်ကွယ်လွန်သွားခဲ့သဖြင့် ရုပ်အလောင်းအား မနက်ဖြန် အောက်တိုဘာ ၄ ရက်ညနေ ၄ နာရီခွဲတွင် ရေဝေးသုဿန်၌မီးသဂြိုလ်သွားမည်ဖြစ်ကြောင်း သိရသည်။
ထို့ပြင် မနန်းမေမွန်မောင်၏ ရက်လည်ဆွမ်းသွပ်တရားတော်နာယူခြင်းနှင့် ၎င်းအတွက်ကောင်းမှုကုသိုလ်ပြုလုပ်ပေးခြင်းကိုလည်း အောက်တိုဘာ ၈ ရက်နံနက်ပိုင်းတွင် မရမ်းကုန်းမြို့နယ်၊ ၉ ရပ်ကွက်၊ ရွာမလမ်း၊ အမှတ်(၂၈၂)၊ ၆ လွှာတွင်ပြုလုပ်သွားမည်ဖြစ်ကြောင်း သိရသည်။