ဖနောင်ပင်၊မေ ၁
ကမ္ဘောဒီးယားသည် ၂၀၂၅ ခုနှစ် ပထမလေးလပတ်အတွင်း၌ပင် မူးယစ်ဆေးဝါးနှင့်ဆက်နွယ်သည့် သံသယတရားခံ ၈,၂၀၃ ဦးအားဖမ်းဆီးထားပြီး တစ်နှစ်ထက်တစ်နှစ် ၁၅ ရာခိုင်နှုန်းတိုးလာသည်ဟုလည်း မူးယစ်တို-က်ဖျ-က်ရေးဌာန၏ သတင်း ထုတ်ပြန်ချက်၌ဖော်ပြထားသည်။
သံသယတရားခံအရေအတွက်တိုးမြင့်လာသော်လည်း လက်ဝယ်ဖမ်းဆီးရရှိမှုပမာဏသည် ယခုနှစ်ပထမလေးလပတ်အတွင်း ၁ ဒဿမ ၆၂ တန်သာရှိပြီး ယမန်နှစ်အလားတူကာလက ၃ ဒဿမ ၈၇ တန်ရှိသည့်အတွက် ၅၈ ရာခိုင်နှုန်းခန့်ကျဆင်းသွားသည်ဟုလည်းဆိုသည်။
သိမ်းဆည်းရမိသည့် မူးယစ်ဆေးဝါးအများစုတွင် ကက်တမင်း၊ စိတ်ကြွဆေးပြားများ၊ ဘိန်းဖြူ၊ ခရစ်စတယ်မက်သာဖက်တမင်း၊ မက်သာဖက်တမင်းဆေးပြား၊ ကိုကင်းနှင့်ကက်သနင်းတို့ ပါဝင်ကြသည်ဟုလည်းဆိုကြသည်။
ကမ္ဘောဒီးယားနိုင်ငံ၏ဥပဒေအရ မူးယစ်ဆေးဝါးနှင့်ပတ်သက်၍ ေ-သဒဏ်အထိချမှတ်ခြင်းမျိုးမရှိကြောင်းသိရသည်။ ၎င်း၏ဥပဒေအရ တရားမဝင်မူးယစ်ဆေးဝါး (၈၀) ဂရမ်ကျော်အထိ လက်ဝယ်တွေ့ရှိပါက တစ်သက်တစ်ကျွန်းအထိသာချမှတ်နိုင်သည်ဟုဆိုသည်။
Source : ရှင်းဟွာ