ဖနောင်ပင်၊ဖေဖော်ဝါရီ ၂၇
ကမ္ဘောဒီးယားနိုင်ငံသည် ပြန်-ပေးဆွဲမှု၊ဆိုက်ဘာရာဇ၀တ်မှုနှင့်လူကု-န်ကူးမှုများအတွက်အေခြချစရာနေရာမဟုတ်သဖြင့် ကမ္ဘာလှည့်ခရီးသွားဧည့်သည်များအနေဖြင့် စိတ်ချစွာလာရောက်လည်ပတ်နိုင်ကြောင်း ဝန်ကြီးချုပ်ကပြောကြားခဲ့သည်ဟုသိရသည်။
ဖနောင်ပင်မြို့ရှိ ခရီးသွားဝန်ကြီးဌာန၏ နှစ်ပတ်လည်ညီလာခံအပိတ်မိန့်ခွန်း၌ ဟွန်မာနက်က ကမ္ဘောဒီးယားအစိုးရအနေဖြင့် အလွန်သတိထားကာ မြေအောက်လောက လှုပ်ရှားမှုများတွင် ကမ္ဘောဒီးယားကိုအသုံးပြုရန် ကြိုးပမ်းသူတိုင်းကို တင်းတင်းကျပ်ကျပ်အရေးယူခဲ့ကြောင်းလည်း သူက ပြောကြားခဲ့သည်။
အထည်ချုပ်လုပ်ငန်း၊စိုက်ပျိုးရေး၊အိမ်ခြံမြေနှင့် ဆောက်လုပ်ရေးတို့အပြင် ခရီးသွားလုပ်ငန်းသည်လည်း ကမ္ဘောဒီးယားနိုင်ငံ၏စီးပွားရေးကို ပံ့ပိုးပေးသည့်လုပ်ငန်းများအနက်မှတစ်ခုဖြစ်သည်။
ခရီးသွားလုပ်ငန်းဝန်ကြီးကမူ ကမ္ဘောဒီးယားနိုင်ငံသည် ၂၀၂၄ ခုနှစ်တွင် နိုင်ငံခြားဧည့်သည် ၆ ဒသမ ၇ သန်းလာရောက်ခဲ့ပြီး တစ်နှစ်ထက်တစ်နှစ် ၂၃ ရာခိုင်နှုန်း တိုးလာသည်ဟုလည်းဆိုခဲ့သည်။
၂၀၂၅ ခုနှစ်အတွက်ကိုမူ ကမ္ဘောဒီးယားနိုင်ငံသို့ နိုင်ငံတကာခရီးသွားဦးရေ ၇ ဒသမ ၂ သန်းနဲ့ ၇ ဒသမ ၅ သန်းကြားအထိ တိုးလာမည်ဟုမျှော်လင့်ထားကြောင်းလည်း၎င်းကဆိုသည်။
Source : ရှင်းဟွာ