မလေးရှားနိုင်ငံ ကွာလာလမ်ပူမြို့တွင် ကျင်းပမည့် ကမ္ဘာ့ဖလားပိုက်ကျော်ခြင်းပြိုင်ပွဲတွင် ဝင်ရောက်ယှဉ်ပြိုင်မည့် မြန်မာ့လက်ရွေးစင်ပိုက်ကျော်ခြင်းအသင်းသည် မေ ၁၃ ရက် နံနက်ပိုင်းက ရန်ကုန်အပြည်ပြည်ဆိုင်ရာလေဆိပ်မှ ထွက်ခွာသွားခဲ့ပြီး ကွာလာလမ်ပူမြို့သို့ ရောက်ရှိခဲ့ကြောင်း သိရသည်။
မြန်မာအသင်းသည် မလေးရှားနိုင်ငံသို့ ဒေသစံတော်ချိန် မွန်းတည့် ၁၂ နာရီ ၂၀ မိနစ်တွင် ရောက်ရှိခဲ့ကြောင်း သိရသည်။
ကမ္ဘာ့ဖလားပိုက်ကျော်ခြင်းပြိုင်ပွဲကို မေ ၁၆ ရက်မှ ၂၃ ရက်အထိ ကွာလာလမ်ပူမြို့တွင် ကျင်းပမည်ဖြစ်ပြီး မြန်မာ့လက်ရွေးစင်အသင်းမှ ဇင်မင်းဦး (အာဒစ်) ၊ သန့်ဇင်ထွန်း (ဓာတ်လုံး) ၊ အောင်အောင် (အောင်ကြီး) ၊ အောင်မျိုးကျော် (မျိုးလေး) ၊ ရှိန်းဝဏ္ဏဇော် (ရှိန်းလေး) ၊ ရန်ပိုင်ဦး (ကျောင်းတိုက်) ၊ ရဲထက်၊ ဟန်ဝင်းထွဋ် (အန့်ကူ) ၊ သက်ပိုင်စိုး၊ မင်းသန့်သူ၊ ချစ်လွန်းပိုနှင့် ရှင်းသန့်နောင်တို့ ပါဝင်ယှဉ်ပြိုင်သွားမည်ဖြစ်ကြောင်း သိရသည်။