တတိယအကြိမ် ကချင်ပြည်နယ်လွှတ်တော် ဒုတိယပုံမှန်အစည်းအဝေး တတိယနေ့ ကို ယမန်နေ့ ဇွန် လ ၁၅ ရက်နေ့ က ကျင်းပခဲ့ကြောင်း သိရသည်။
အစည်းအဝေး ဒုတိယနေ့တွင် မိုးကောင်းမြို့နယ်မဲဆန္ဒနယ်၊ ကိုယ် စားလှယ်အမှတ် (၁) ဦးနေလင်းစိုး တင်သွင်းခဲ့သော တစ်နိုင်ငံလုံးတွင် ဖြစ်ပွားနေသော လက်နက်ကိုင် ပဋိပက္ခများ ရပ်စဲစေလိုခြင်းနှင့် ကချင်ပြည်နယ်တွင်လည်း အပစ်အခတ်ရပ်စဲပြီး ထာဝရငြိမ်းချမ်းရေးဆောင်ရွက်နိုင်ရေး ကချင်ပြည်နယ်အစိုးရအဖွဲ့သို့ တိုက်တွန်းကြောင်း အဆိုတင်သွင်းခဲ့ခြင်းလည်း ဖြစ်သည်။
အဆိုနှင့် ပတ်သက်ပြီး လွှတ် တော် ကိုယ်စားလှယ် ၅ ဦးတို့က ထောက်ခံဆွေးနွေးခဲ့ကြပြီး ပြည်နယ်လုံခြုံရေးနှင့်နယ်စပ်ရေးရာဝန် ကြီးက ထောက်ခံကြောင်း ပြန်လည်ရှင်းလင်းဖြေ ကြားခဲ့ခြင်းလည်း ဖြစ်သည်။
ထိုနောက် လွှတ်တော်၏အဆုံးအဖြတ်ရယူ၍ လွှတ် တော်က ယင်းအဆိုအား အတည်ပြုကြောင်း ဆုံး ဖြတ်ခဲ့ခြင်း ဖြစ်ကြောင်း သိရသည်။