Fresh Entertainment မှ စီစဉ်ကျင်းပမယ့် ONE MIC Freestyle Rap Battle ပြိုင်ပွဲကို ဝင်ရောက် ယှဉ်ပြိုင်ကြမယ့် ပြိုင်ပွဲဝင်များ အနေဖြင့် မတ်လ ၁ရက်နေ့မှ စတင်ပြီး လျှောက်လွှာ များကို Studio TRINITA, H- Town Record, Alpha Recordz, JCZ Recordz တို့တွင် အခမဲ့ ထုတ်ယူနိုင်ပြီဖြစ် ကြောင်းသိရပါတယ်။ မတ်လ(၇) ရက်နေ့ နောက်ဆုံးထားပြီး Form များကို တင်ရ မှာဖြစ်ပြီး ပြိုင်ပွဲ ဝင်ရောက်ယှဉ်ပြိုင်မယ့်သူများ အနေနဲ့ မိမိကြိုက်နှစ်သက်ရာ Beat ဖြင့် Cypher (Audio) တစ်မိနစ်စာနဲ့ မှတ်ပုံတင် မိတ္တူ တို့ကို ယူဆောင်ပြီး သတ်မှတ်ထားတဲ့ Form ထုတ်ယူ နိုင်မယ့်နေရာ များမှာ Form များကိုအချက် အလက် ပြည့်စုံ စွာ ဖြည့်စွက် ရမှာ ဖြစ်ကြောင်း သိရပါတယ်။ ဒါ့အပြင် မိမိ၏ ကိုယ်ပိုင် သီချင်းများ ရှိပါကလည်း ထည့်သွင်း ပေးပို့နိုင်ပြီး ပြိုင်ပွဲဝင် လျှောက်လွှာ များထဲမှ ၁၆ဦးကို စိစစ်ရွေးချယ် ပြီး မတ်လ ၁၁ရက်နေ့ တွင် ONE MIC Freestyle Rap Battle Page တွင် ကြေညာပေးသွားမှာ ဖြစ်ပြီး အဆိုပါ ၁၆ဦးကသာ ပြိုင်ပွဲကို ဝင်ရောက် ယှဉ်ပြိုင်ခွင့် ရရှိမှာဖြစ်ပါတယ်။
အဆိုပါ ပြိုင်ပွဲနဲ့ ပတ်သက်ပြီး Fresh Entertainment နဲ့ပူးပေါင်း လုပ်ဆောင်နေသူ အနဂ္ဂ က “Main stream ပေါ်တက်ချင်တဲ့ တကယ့် Artist တွေ နေရာမရ ဖြစ်နေတာကိုလည်း တွေ့နေရတယ်။ နောက်တစ်ခုက ကိုယ်တွေဟစ် ဟော့ သမားတွေ ကြားထဲမှာ ဟို လူကောင်း တယ်၊ ဒီလူကောင်းတယ် ဆိုပြီးငြင်းနေကြတဲ့ အချိန်မှာ တကယ့်ပြိုင်ပွဲမှာ လာ ပြီးတော့ပြောဆို လိုက်ရင် ဘယ်သူကောင်း တယ် ဆိုတာ အဖြေပေါ် သွားတာ ပေါ့။ ပြီးတော့ သူတို့မှာ သီချင်းတွေ လုပ်ပြီး သွားပြီ။ သူတို့မှာ Skill တွေရှိတယ်ဆိုလည်း ချပြဖို့နေရာ မရှိတဲ့သူတွေ အတွက်ကိုလည်း အဓိ ကလုပ်ပေးချင်တာပါ”လို့ ပြောပြပါတယ်။
အနဂ္ဂ အနေနဲ့ ဒီပြိုင်ပွဲမှာ အစီစဉ်တင် ဆက်သူအဖြစ် လုပ်ဆောင် သွားမှာဖြစ်ပြီး ဘာဘူ၊ ဂျေမီ၊ G-Tone တို့က ဒိုင်လူကြီးများ အဖြစ် အကဲဖြတ် သွားမှာဖြစ်ပါတယ်။ ဒါ့အပြင် အနဂ္ဂတို့အနေ နဲ့မကြာခင်မှာလည်း Hip Hop Beat Battle ပြိုင်ပွဲ၊ Guitar Solo ပြိုင်ပွဲ၊ Drum Solo ပြိုင်ပွဲ၊ Graffiti Battle ပြိုင်ပွဲများကို ဆက်တိုက် ပြုလုပ် သွားမှာဖြစ် ပါတယ်။
လင်းအက္ခရာ