လာမည့် ဖေဖော်ဝါရီလ(၇)ရက်နေ့၌ ကျရောက်မည့် (၇၈)နှစ်မြောက် ရှမ်းပြည်အမျိုးသားနေ့ကို ရှမ်းပြည်တောင်ပိုင်း၊ လင်းခေးခရိုင်၊ မိုင်းပန်မြို့တွင် (၂)ရက် ကြာကျင်းပပြုလုပ်သွားမည်ဖြစ်ကြောင်း သိရသည်။
အဆိုပါ ရှမ်းပြည်အမျိုးသားနေ့ ရှမ်းပြည်သူလူထုနှင့် ရှမ်းပြည်ပြန်လည်ထူထောင်ရေးကောင်စီ/ရှမ်းပြည်တပ်မတော် (RCSS/SSA)တို့ ပူးပေါင်း၍ ပြုလုပ်ခြင်းဖြစ်ကြောင်း သိရသည်။
အခမ်းအနား အစီအစဉ်အရ ဖေဖော်ဝါရီ (၅)ရက်နှင့် (၆)ရက်၌ ဖိတ်ကြားထားသည့် ဧည်သည်တော်များကို ကြီုဆိုခြင်း၊ ဖော်ဖော်ဝါရီ (၇)ရက်၌ အခမ်းအနား ဖွင့်လှစ်ခြင်းနှင့် ဖိတ်ကြားထားသည့် ဧည့်သည်တော်များဖြင့် ထမင်းလက်ဆုံစားခြင်း၊ ဖေဖော်ဝါရီ (၈)ရက်၌ ဖျော်ဖြေရေးအစီအစဉ်များ ပါဝင်မည်ဖြစ်ကြောင်း သိရသည်။
အခမ်းအနားသို့ နိုင်ငံတော်စီမံအုပ်ချုပ်ရေးကောင်စီ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ကိုလည်းဖိတ်ကြားထားပြီး၊ တောင်ကြီးအခြေစိုက်(ရပခ)၊ ခိုလမ်အခြေစိုက် (ရလခ) နှင့် ကျိုင်းတုံအခြေစိုက် (တသခ)တို့မှ တိုင်းမှူးများ၊ ရှမ်းပြည်နယ်အတွင်းရှိ နိုင်ငံရေးပါတီ (၇)ခုနှင့် အရပ်ဖက်အဖွဲ့အစည်းများကိုလည်း ဖိတ်ကြားထားသည်ဟု ဒေသတွင်း သတင်းရင်းမြစ်များထံက သိရသည်။