၂၀၃၀ ပြည့်နှစ်အထိ ဒီရေတောစိုက်ခင်းများကို နှစ်စဥ်တည်ထောင်စိုက်ပျိုးသွားမည်ဖြစ်ကာ ၂၀၂၅ ခုနှစ်က ဒီရေတောစိုက်ခင်း(၁,၇၁၅)ဧကတွင် အပင်ပေါင်း(၂) သန်းကျော်စိုက်ပျိုးပြီးဖြစ်သည်ဟု နိုင်ငံတော်သမ္မတ ဦးမင်းအောင်လှိုင်က ယနေ့ ဇွန် ၅ ရက်တွင်ကျင်းပသည့် ၂၀၂၆ ခုနှစ် ကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ်အခမ်းအနား၌ ပြောကြားခဲ့ခြင်းဖြစ် သည်။
” ကမ်းရိုးတန်းဒေသတွေမှာ ၂၀၂၅ ခုနှစ်က ဒီရေတောစိုက်ခင်း(၁,၇၁၅)ဧကမှာ အပင်ပေါင်း(၂)သန်းကျော်စိုက်ပျိုးခဲ့ပြီးဖြစ်တဒ့အတွက် ၂၀၃၀ ပြည့်နှစ်အထိ ရေ ရှည်စီမံချက်တွေရေးဆွဲပြီး နှစ်စဉ် ဒီရေတောစိုက်ခင်းတွေတည်ထောင်သွားပါမယ်”ဟု နိုင်ငံတော်သမ္မတက ပြောသည်။
ထို့ပြင် ယခုနှစ် မိုးရာသီ၌ နေပြည်တော်၊ တိုင်း၊ ပြည် နယ်၊ ခရိုင်နှင့် မြို့နယ်များတွင် နိုင်ငံတော်အဆင့်သစ် ပင်စိုက်ပျိုးပွဲနှင့် မိုးရာသီအကြိုသစ်ပင်စိုက်ပျိုးပွဲများကို တစ်ရက်တည်း၊ တစ်ချိန်တည်း၊ တစ်ပြိုင်တည်း အ ပင်ပေါင်း(၅၄,၁၈၀)ပင်စိုက်ပျိုးရန်စီစဉ်ထားကာ ယင်းနေရာများတွင် စိုက်ပျိုးထားသည့်သစ်ပင်များရှင်သန်ရန် တစ်ပင်စိုက်တစ်ပင်ရှင်ဖြစ်ရန် ဆက်လက်လုပ် ဆောင်ရမည့် ပြုစုထိန်းသိမ်းခြင်းလုပ်ငန်းများကိုအ လေးထားဆောင်ရွက်ရမည်ဟု မှာကြားသည်။
၂၀၂၁ ခုနှစ်မှ ၂၀၂၅ ခုနှစ်အထိ နိုင်ငံပိုင်စိုက်ခင်း၊ စီး ပွားရေးစိုက်ခင်း၊ စက်မှုကုန်ကြမ်းစိုက်ခင်း၊ ရေဝေရေ လဲစိုက်ခင်း၊ ဒီရေတောစိုက်ခင်း၊ ကျေးရွာထင်းစိုက် ခင်းစသည့် စိုက်ခင်းဧကပေါင်း(၁၆၀,၀၀၀)ကျော်တွင် အပင်ပေါင်း(၁၂၂)သန်းကျော်စိုက်ပျိုးခဲ့ကာ ယခုနှစ်တွင်လည်း တစ်နိုင်ငံလုံးအတိုင်းအတာအနေဖြင့် နိုင်ငံပိုင်သစ်တော စိုက်ခင်းများအပါအဝင် ဧကပေါင်း (၃၀,၀၀၀)၌ အပင်ပေါင်း(၂၁)သန်းကျော်စိုက်ပျိုးသွားမည်ဟု ပြောသည်။
” အထူးစိမ်းလန်းစိုပြည်ရေးလုပ်ငန်းတွေကို အပူပိုင်းဒေသ(၁၃)ခရိုင်၊ မီးရထားလမ်းတွေ၊ အာဆီယံလမ်းမကြီးနဲ့ ကားလမ်းတွေ ဘေးဝဲ/ယာ၊ ပုဂံရှေးဟောင်း ယဉ် ကျေးမှုနယ်မြေ၊ အင်းလေးကန်တစ်ဝိုက်ဧရိယာတွေမှာ ဆက်စပ်ဌာနတွေနဲ့အတူပူးပေါင်းစိုက်ပျိုးနေပါတယ်။ သဘာဝပတ်ဝန်းကျင်ထိန်းသိမ်းရေးနဲ့ ရာသီဥတုပြောင်းလဲမှုတိုက်ဖျက်ရေးအတွက် သစ်တောသစ်ပင် စိုက်ပျိုးထိန်းသိမ်းခြင်းဟာ အလွန်အရေးကြီးပါတယ်”ဟု နိုင်ငံတော်သမ္မတက ပြောသည်။
ထို့ကြောင့် သစ်တောပြုန်းတီးမှုလျော့ကျစေရေးနှင့် သစ်တောဖုံးလွှမ်းမှုကို နိုင်ငံ့ဧရိယာ၏ (၅၀)ရာခိုင်နှုန်း ပြည့်မီစေရေးအတွက် ကြိုးဝိုင်း၊ ကြိုးပြင်ကာကွယ်တောများကို နိုင်ငံ့ဧရိယာ၏ (၂၆ ဒသမ ၁၁)ရာခိုင်နှုန်းနှင့် ဇီဝမျိုးစုံမျိုးကွဲများထိန်းသိမ်းရန်အတွက် သဘာဝနယ်မြေ(၆၂)ခု၊ နိုင်ငံ့ဧရိယာ၏ (၆ ဒသမ ၅၉) ရာခိုင် နှုန်းအထိတိုးမြှင့်တည်ထောင်ဖွဲ့စည်းနိုင်ခဲ့ကာ ယင်း သစ်တောနယ်မြေ၊ သစ်တောနယ်မြေပြင်ပနေရာများနှင့် ကုန်းတွင်းဒေသသများတွင် ရာသီဥတုပြောင်းလဲမှုဒဏ်ကာကွယ်နိုင်ရေး၊ ရေကြီးရေလျှံမှု၊ မြေတိုက်စားမှုများမှ ကာကွယ်နိုင်ရန်နှင့် သဘာဝဘေးအန္တရာယ်များကို ကြိုတင်ကာကွယ်နိုင်ရေးအတွက် သစ်တောများ ပြန်လည်တည်ထောင်ရေးလုပ်ငန်းများကို အရှိန်အဟုန်ဖြင့်ဆောင်ရွက်လျက်ရှိသည်ဟု နိုင်ငံတော်သမ္မတက ပြောကြားခဲ့သည်။