၂၀၃၀ ပြည့်နှစ်တွင် မြန်မာနိုင်ငံ၌ အ သည်းရောင်ရောဂါ ကင်းဝေးစေရန်သန္နိဌာန်ချထားသည်ဟု ကျန်းမာရေးဝန်ကြီးဌာန ပြည်ထောင်စုဝန်ကြီးဒေါက် တာသက်ခိုင်ဝင်း ကပြောကြားသည်။
ထိုင်းနိုင်ငံ၊ ဘန်ကောက်မြို့ရှိ Eastin Grand Hotel Phayathai ၌ ဧပြီလ (၂၈) ရက်နေ့မှ (၃၀) ရက်နေ့အထိ ကျင်းပပြု လုပ်နေသည့် “၂၀၂၆ ခုနှစ်၊ ကမ္ဘာ့ အ သည်းရောင်ရောဂါဆိုင်ရာညီလာခံ” သို့ ကျန်းမာရေးဝန်ကြီးဌာန၊ ပြည်ထောင်စုဝန်ကြီး ဒေါက်တာသက်ခိုင်ဝင်းတက်ရောက်စဉ် ထိုသို့ပြောကြားခဲ့ခြင်းဖြစ် သည်။
အဆိုပါ ညီလာခံကို “မည်သူမျှ နောက် ကျမကျန်စေရ” (Elimination for Everyone, Everywhere, Right Now)
ဆောင်ပုဒ်နှင့်အညီ ကျင်းပနေခြင်းဖြစ် ကြောင်း သိရသည်။
ကာကွယ်ဆေးထိုးနှံမှုကို မွေးကင်းစက လေးတိုင်း အသည်းရောင်ရောဂါ (ဘီပိုး) ကာကွယ်ဆေးကို မွေးပြီးပြီးချင်း စနစ်တ ကျ ထိုးနှံပေးနေကြောင်းနှင့် ၂၀၁၂ ခုနှစ်ကတည်းက သွေးလှူဘဏ်များတွင် စနစ် တကျစစ်ဆေးမှုများကြောင့် ရောဂါကူးစက်မှုနှုန်း သိသိသာသာ ကျဆင်းလာခဲ့ကြောင်း ပြောကြားခဲ့သည်။
ထို့အပြင် ၂၀၂၅ ခုနှစ်အတွင်း အသည်းရောင်ရော ဂါ (စီပိုး) အခမဲ့ကုသမှုကို နိုင်ငံတစ်ဝန်းရှိ ပြည်သူ့ဆေးရုံ (၃၆) ရုံတွင်ကုသပေးနိုင်ခဲ့ကြောင်းထည့်သွင်းပြောကြားခဲ့သည်။
ညီလာခံအတွင်း ပြည်ထောင်စုဝန်ကြီး ဒေါက်တာသက်ခိုင်ဝင်းက ထိုင်းနိုင်ငံ ပြည်သူ့ကျန်းမာရေးဝန်ကြီး H.E Mr. Pattana Promphat ဖြင့် သီးခြားတွေ့ဆုံခဲ့ပြီး နှစ်နိုင်ငံကျန်းမာရေးကဏ္ဍ ပိုမိုမြှင့်တင်သွားရန်ဆွေးနွေးခဲ့ကြကြောင်း သိရသည်။
နှစ်နိုင်ငံဆွေးနွေးချက်အတွင်းထားဝယ်ဆေးရုံ အဆင့်မြှင့်တင်ရေး စီမံကိန်း ဆောင်ရွက်ရန်အပါအဝင် နယ်စပ်ဒေသ ကျန်းမာရေးစောင့်ရှောက်မှုတွေ တိုးမြှင့်ရန်၊ မြန်မာနိုင်ငံရှခ ဆရာဝန်နှင့်သူနာပြုများကို လုပ်ငန်းစွမ်းဆောင်ရည်မြှင့် သင် တန်းများ ပို့ချပေးရန်၊ လူတိုင်းလက် လှမ်းမီသည့် ကျန်းမာရေးစောင့်ရှောက်မှု (UHC) ရရှိအောင် ပူးပေါင်းဆောင်ရွက်ရန်စသည့်တို့ကို ဆွေးနွေးခဲ့ကြသည်။
ညီလာခံသို့ အာဆီယံနိုင်ငံများရှိ ကျန်း မာရေးဝန်ကြီးများ၊ WHO နှင့် World Hepatitis Alliance မှတာဝန်ရှိသူများအပြင် အသည်းအထူးကုပညာရှင်ပေါင်းများစွာ တက်ရောက်ခဲ့ကြကြောင်း သိရသည်။