ယနေ့ ဖေဖော်ဝါရီလ (၉) ရက် ညနေပိုင်းတွင် နေပြည်တော်ရှိ MICC (1) ၊ ကျောက်စိမ်းခန်းမ၌ ကျင်းပနေသည့် ၂၀၂၄ ခုနှစ်အတွက် မြန်မာ့ရုပ်ရှင်ထူးချွန်ဆု ချီးမြှင့်ပွဲအခမ်းအနားသို့ ၂၀၂၄ ခုနှစ်အတွက် မြန်မာ့ရုပ်ရှင် ထူးချွန်ဆုပေးပွဲသို့ နိုင်ငံတော်ဝန်ကြီးချုပ် ၊ နစက ဥက္ကဋ္ဌ ၊ ဗိုလ်ချုပ်မှူးကြီး မင်းအောင်လှိုင် ကိုယ်တိုင် တက်ရောက်ချီးမြှင့်သည်ကို တွေ့ရသည်။
မကြာမီ အချိန်အတွင်း ၂၀၂၄ ခုနှစ်အတွင်း ရုံတင်ပြသခဲ့သည့် ရုပ်ရှင်ဇာတ်ကားများအနက်မှ ဆန်ကာတင် ဇာတ်ကား (၁၈) ကားထဲမှ ထူးချွန်ဆု ရရှိကြသည့် အနုပညာရှင်၊ အတတ်ပညာရှင်များကို ရွေးချယ်ကာဆုချီးမြှင့်ပေးသွားတော့မည် ဖြစ်သည်။
၂၀၂၄ ခုနှစ်အတွက် မြန်မာ့ရုပ်ရှင် ထူးချွန်ဆု (အကယ်ဒမီ) ရရှိနိုင်သူများအနေဖြင့် နေတိုး၊ စိုင်းစိုင်းခမ်းလှိုင်၊ မြင့်မြတ်၊ ဟိန်းဝေယံ၊ မင်းဦး၊ အေးချမ်းမောင်၊ အလင်းရောင် ၊ ဝတ်မှုန်ရွှေရည်၊ မိုးဟေကို၊ မေမီကိုကို၊ စိုးမြတ်သူဇာ၊ မျိုးသန္တာထွန်း၊ ခိုင်နှင်းဝေ၊ မယ်လိုဒီ၊ ခင်ဝင့်ဝါ၊ ခြူးလေး၊ ပိုးမမှီသာ စသည့် အနုပညာရှင်များမှာ လတ်တလော ရေပန်းစားလျက်ရှိသည်။
အကယ်ဒမီ ဆုပေးပွဲတွင် ပါဝင်အားဖြည့်ရန်အတွက် ရွှေကြိုမောင်မယ် အယောက် (၄၀) ကိုလည်း မြတ်မာ့ရုပ်ရှင်အစည်းအရုံးက ရွေးချယ်ထားပြီး ကြိုတင်စခန်းသွင်း လေ့ကျင့်မှုများ ပြုလုပ်ပေးလျက်ရှိနေသည်။
ယခုနှစ်အတွက် မြန်မာ့ရုပ်ရှင်ထူးချွန်ဆု အကယ်ဒမီ (၁၅) ဆုအထိ ရွေးချယ်ချီးမြှင့်သွားရန် လျာထားပြီး အကယ်ဒမီ ပွဲတက်ဝတ်စားဆင်ယင်မှုဆု (၄) ဆုကိုလည်း ရွေးချယ်ချီးမြှင့်သွားမည်ဖြစ်ကြောင်း မြန်မာ့ရုပ်ရှင်အစည်းအရုံထံမှ သိရသည်။