၂၀၁၉ ခုနှစ်တွင် ရုံတင်ပြသခဲ့သည့် ရုပ်ရှင်ဇာတ်ကားများအနက် ခေတ်စနစ်ကို ထင်ဟပ်အောင်ပြသနိုင်ခဲ့သည့် “နိုင်ငံကြီးသား” ဇာတ်ကား အနေဖြင့် အကယ်ဒမီဆန်ကာတင်စာရင်းတွင် ပါဝင်နေပြီး အဆိုပါ ဇာတ်ကားအားဖန်တီးထားသည့် ဒါရိုက်တာ စတီးလ်(ဒွေးမေတ္တာ) အကယ်ဒမီရနိုင်ကြောင်းလည်း ခန့်မှန်းနေကြသည်။
အဆိုပါ ဇာတ်ကားကို ဒါရိုက်တာ စတီးလ် (ဒွေးမေတ္တာ) က ရိုက်ကူးပုံဖော်ထားပြီး သရုပ်ဆောင် နေတိုး၊ မင်းမော်ကွန်း၊ ထွန်းထွန်း၊ နေထက်လင်း၊ နေမျိုးအောင်၊ ဇင်ဝိုင်း၊ မောင်သီ၊ ထူးခြား၊ မိုးယံဇွန်၊ မင်းသွေး၊ စည်ဖြိုး၊ ထွန်းကိုကို၊ နေရဲ၊ သိန်းလင်းစိုး၊ ရွှေသမီး၊ အောန်ဆိုင်း၊ ဆာရာဆောင်းဦးနှင့် အနုပညာရှင်များစွာပါဝင် အားဖြည့်ထားသည်။
“နိုင်ငံကြီးသား” ရုပ်ရှင်ဇာတ်ကားကို အားမာန်ရုပ်ရှင်ထုတ်လုပ်ရေးက ရိုက်ကူးထားခြင်းဖြစ်ပြီး ခေတ်စနစ်နှင့် အကျင့်ပျက်ခြစားမှုများကို ပီပြင်စွာ ဖန်တီးပုံဖော်ထားသည့် ဇာတ်ကားကောင်းတစ်ကားလည်း ဖြစ်သည်။
၂၀၁၉ ခုနှစ်တွင် ရုံတင်ပြသခဲ့သည့် ဇာတ်ကားပေါင်း (၉၀) ကျော်ရှိပြီး အဆိုပါ ဇာတ်ကားများထဲမှ “နိုင်ငံကြီးသား” ဇာတ်ကား အပါအဝင် “ရိုးမပေါ် ကျတဲ့မျက်ရည်”၊ “နို့ဘီလူး” ၊ “ချည်”၊ “ကြာတော့သည်လည်း မောင့်စကား” ၊”လိပ်ပြာစံအိမ်” ၊ “ထာဝရနှောင်ကြိုး” ၊ “သူစိမ်းအိမ်” ၊ “ဒဏ္ဍာရီမိုး” အစရှိသည့် ဇာတ်များလည်း အကယ်ဒမီ ဆန်ကာတင်စာရင်းတွင် ပါဝင်နေပြီး ခန့်မှန်းမှုများ ပြု လုပ်လျက် ရှိနေသည်။