ရန်ကုန်၊ ဩဂုတ် ၈
(၁၁) ကြိမ်မြောက် မြန်မာ့ရိုးရာလက်ဝှေ့ကမ္ဘာ့ချန်ပီယံပြိုင်ပွဲ (MLWC) ကို ဩဂုတ် ၉ ရက်တွင် ကျင်းပမည်ဖြစ်ရာ ပါဝင်မည့် ကစားသမားများ ဆေးစစ်ဝိတ်ချိန်ခြင်းကို ယနေ့ (ဩဂုတ် ၈ ရက်) ၌ ပြီးစီးခဲ့ကြောင်း သိရသည်။
အဆိုပါ ပြိုင်ပွဲကို ရန်ကုန်မြို့၊ သိမ်ဖြူမြန်မာ့ရိုးရာလက်ဝှေ့ခန်းမ၌ Myanmar Martial Arts Group (MMAG) က စီစဉ်ကျင်းပခြင်းဖြစ်ပြီး အလဲထိုးစနစ်ကို အဓိကအသုံးပြုကာ တွဲဆိုင်း ၆ ဆိုင်းဖြင့် ကျင်းပသွားမည် ဖြစ်သည်။
ပြိုင်ပွဲတွဲဆိုင်းများ
၅၃ ကီလိုတန်း – ဒေါင်းမိုက်သွေး (Nine Lethwei) နှင့် စောရူဘီ (YMA)
၆၅ ကီလိုတန်း – အောင်ကိုလတ် (Ray) နှင့် စောထိန်လင်း (555 Sports)
၅၆ ကီလိုတန်း – MLWC ရွှေတံဆိပ်ဆုရှင် ဆလိုင်းထန်ခွီးရှိန် (ကျားမနိုင်) နှင့် SEA Games ကြေးတံဆိပ်ရှင် ဟိန်းထွန်းအောင် (ခေးယူးဝါး)
၆၀ ကီလိုတန်း – MLWC ရွှေခါးပတ်ချန်ပီယံ အဲမွီ (အဲကညော) နှင့် Sky Net ရွှေအောင်လံဆုရှင် သန့်ဇင် (ပိုင်သွန်တော်ဝင်ဧရာ)
၆၇ ကီလိုတန်း (ဒုတိယခေါင်ပွဲ) – နိုင်ဝင်းထွန်း (Nine Lethwei) နှင့် ကရင်အောင်လံဆုရှင် ကမ္ဘာရှား (ဇာထက်မိတ္ထီလာ)
၇၅ ကီလိုတန်း (အဓိကခေါင်ပွဲ) – MLWC ရွှေတံဆိပ်ဆုရှင် ထွန်းမင်းအောင် (Top One) နှင့် SEA Games ကြေးတံဆိပ်ရှင်၊ MLWC ရွှေတံဆိပ်ဆုရှင် ရာမန် (ရိုးရာစွမ်းအား)
ထိပ်တန်းရိုးရာလက်ဝှေ့ကျော် ထွန်းထွန်းမင်းကလည်း မနက်ဖြန်ပွဲအတွက် ဆေးစစ်ဝိတ်ချိန်ပြီးစီးပြီဖြစ်၍ အဆင်သင့်ဖြစ်နေကြောင်း အသိပေးထားသည်။