ဟာသဇာတ်ရုပ်တွေကို ပီပြင်စွာသရုပ်ဆောင်နိုင်မှုတို့ကြောင့် ဆယ်စုနှစ် နှစ်ခုကျော်ကြာ အောင်ပရိသတ်များရဲ့ အချစ်ကို ရရှိထားသူကတော့ သရုပ်ဆောင် ခိုင်သင်းကြည်ပါ။ သူက လက်ရှိမှာ ရုံတင်ပြသနေတဲ့ ‘စိန်ယောက်မ’ ဟာသရုပ်ရှင် ဇာတ်ကားမှာ ကျော်ရဲအောင်၊ ပြေတီဦး၊ မို့မို့မြင့်အောင်၊ စိုးမြတ်သူဇာစတဲ့ သရုပ်ဆောင်များနဲ့အတူ ပါဝင်သရုပ်ဆောင်ခဲ့ပါတယ်။ ဒီရုပ်ရှင်ဇာတ်ကားမှာ သူ့ရဲ့ ပါဝင်သရုပ်ဆောင်မှုနဲ့ ပတ်သက်ပြီး ခိုင်သင်းကြည်က အခုလို ပြောပြခဲ့ပါတယ်။
”ဒီရုပ်ရှင်ဇာတ်ကားကတော့ စိန်ယောက်မဆိုတဲ့အတိုင်း ယောက်မ သုံးယောက်ပတ်မွှေတဲ့ဇာတ်ပါ။ ပတ်မွှေတာကလည်း တော်တော်လေး ရယ်နေရပါ တယ်။ သူတို့က ကိုယ့်ကို အနိုင်ကျင့်တော့ ကိုယ်ကလည်း သူတို့ကို အနိုင်ကျင့်ရ တာပေါ့။ ကရတဲ့ အခန်းဆိုရင် သူတို့က ကိုယ့်ကို အနိုင်ကျင့်ထားတော့ ကိုယ်လည်း သူတို့ထက်သာအောင် ပညာပေးရမယ်ဆိုပြီး အသံကုန်အော်ပြီးတော့ ကလိုက် တာပေါ့။ အတူပါဝင်သရုပ်ဆောင်ရတဲ့သူတွေကလည်း မခိုင်ငယ်ငယ်လေး ကတည်းက လေးစားရတဲ့စီနီယာတွေပါ။ မမို့ဆိုလည်း ငယ်ငယ်လေးကတည်းက အရမ်းကို အားကျရတဲ့ မင်းသမီး။ မကြီးဆိုလည်း ခုနောက်ပိုင်း အလွန်တွဲဖြစ်ပြီး ညီ အစ်မလို ချစ်ကြတဲ့ မင်းသမီး။ တီတီ ဆိုတာလည်း မင်းသားထဲမှာ အလွန် ကို သဘောကောင်းတဲ့မင်းသား။ ကိုယ့်ကိုချစ်တဲ့သူတွေ ကိုယ်ချစ်တဲ့လူ တွေဖြစ်နေတော့ ရိုက်ကူးကြရတာလည်း သိပ်ပျော်စရာကောင်းပါတယ်။ ရိုက်ကူးတုန်းကလည်း အတူ ရယ်ကြ စားကြပြောကြနဲ့ ပျော်စရာကောင်းတယ်။ အခုပြန်ကြည့်တော့လည်း တော်တော် အားရပါတယ်။ ပါဝင်ထားတဲ့ ဇာတ်ကောင်စရိုက်ကတော့ မခိုင်မှာယောက်မသုံးယောက် ရှိတယ်။ ကိုခန့်ကအကြီးဆုံး။ သုံးယောက်စလုံးနဲ့လည်း အဆင်ပြေပါတယ်။ ယောက်မ သုံးယောက်မှာ အကြီးဆုံးနဲ့ အငယ်ဆုံးဆိုရင် သိပ်ချစ်ကြတယ်။ သူတို့က လည်း မခိုင်ဆိုအကုန်လုပ်ပေးတယ်။ ကိုယ်လည်း သူတို့အတွက်ဆို အကုန်လုပ်ပေး တယ်။ အဲဒီလိုမျိုးပါ” လို့ ပြောပြခဲ့ပါ တယ်။
‘စိန်ယောက်မ’ ရုပ်ရှင်ဇာတ်ကားမှာ ပါဝင်သရုပ်ဆောင်ခဲ့တဲ့ ဇာတ် ကောင်စရိုက်ပိုင်းနဲ့ပတ်သက်ပြီး ခိုင်သင်းကြည်အတွက် ဝေဖန်မှုတချို့လည်း ရှိနေပါတယ်။ အဆိုပါဝေဖန်မှုတွေနဲ့ ပတ်သက်ပြီး …
”ဒီခေတ်ကြီးထဲမှာ ကိုယ့်ယောက်ျားနဲ့မှ အတူနေရတယ်လို့ ဘယ်သူ က ပြောလဲဆိုတဲ့ အပြောတွေ ဒါတွေကို ဇာတ်ကားထဲမှာ မခိုင်လေး မပြောသင့် ဘူးပေါ့။ ပြီးတော့ ကိုယ့်ထက်ကြီးတဲ့သူတွေကို ရိုက်တယ် နှက်တယ် ဆိုတာတွေကို တချို့ဝေဖန်တာတွေလည်းတွေ့ရပါတယ်။ အဲဒါက သူတို့ ဇာတ်ကားကို သေချာ မကြည့်ရသေးလို့ပါ။ အမှန်ကအဲဒီမှာ မခိုင်က ယောက်မအစစ်မဟုတ်ဘူး။ ကိုယ်နဲ့သဘောမတူတဲ့အခါကျတော့ နည်းနည်းပျက်စီးနေတဲ့ မိန်းကလေးဆိုရင် ပိုဆိုးတယ်ဆိုတာကို ပြတဲ့အနေနဲ့ ဒီအခန်းလေးကို ထည့်လိုက်တာပေါ့နော်။ အဲဒီအခန်းကတော့ မခိုင်ကပဲ နှစ်ကိုယ်ခွဲပြီး လုပ်ပေးလိုက်တာပါ။ ရိုက်တာတွေက လည်းတကယ်မရိုက်ပါဘူး။ အိုက်တင်တွေရော ကင်မရာရိုက်ချက်ပါ အလွန် ကောင်းသွားလို့ တကယ်ရိုက်တယ်လို့ ထင်ရတာပါ။ ဇာတ်ကား ရိုက်ကူးရင် ဘယ်သူ့ကိုမှ တကယ်မရိုက်နှက်ဖူးပါဘူး” လို့ ခိုင်သင်းကြည်ကပြောပြခဲ့ပါတယ်။
ဇော်ဝင်းအောင်
ဓာတ်ပုံ-မင်းမင်းထွန်း