ကျွန်တော်က ကျောင်းဆရာ။ အလုပ်ဝင်စ မူလတန်းပြဘဝမှာ လူ ပျိုပေါက်ကလေးပေါ့။ ကျောင်းသွား ရင် အမေထည့်ပေးတဲ့ အသားဆီပြန် ထမင်းဘူးလေးနဲ့။ ကျောင်းဝတ်စုံဆို တာလည်း မီးပူကျ၊ ကျပ်ချွတ်။
တစ်ခါတလေ …ပညာရေး မှူး ကျောင်းစစ်လာမှာမျိုး၊ ပြပွဲပြိုင်ပွဲ လုပ်မှာမျိုး၊ စုံညီပွဲတော်လုပ်မှာမျိုးလို တစ်ခုခုရှိလာရင် အမေ့ထမင်းဘူးကို မစောင့်အားတော့ဘူး။ ကျောင်းကို စောစောသွား၊ လုပ်စရာရှိတာတွေ ကြိုတင်ပြင်ဆင်လုပ်ပေါ့။
နေ့လယ်စာ စားချိန်ကျ ကော် ဖီဆိုင်သွား ကော်ဖီတစ်ခွက်သောက် လိုက်တယ်။ ဒါဆို …ဗိုက်က တင်း တိမ်သွားပြီလေ။
x x x x
ကျွန်တော် အလယ်တန်းပြရာ ထူးတိုးတော့ အိမ်ထောင်ကျသွားပြီ။ မိဘတွေလည်း မရှိရှာတော့ဘူး။ တစ်ဦးတည်းသောသားမို့ ဝိုင်းနဲ့အိမ် အမွေရတော့ နေရေးအတွက် မပူရ ဘူး။ စားရေးနဲ့ဝတ်ရေး ဒီနှစ်ရေးပဲ ကိုယ့်ပခုံးပေါ်ရှိတော့ သိပ်မပူမိဘူး။ အိမ်ထောင်သက်လေးရလာတော့ မိန်းမထည့်ပေးတဲ့ ထမင်းဘူးက ငါးပိ ချက်ပဲ ရက်ဆက်လာတယ်။ ကျောင်း ဝတ်စုံကလည်း လူပျိုဘဝကလောက် မသားနားတော့ဘူး။ အိမ်ထောင်က လည်း ကြီးလာပြီလေ။
တစ်ခါတလေ …ကျောင်းမှာ အထက်ပါဆိုခဲ့တဲ့ ပွဲတွေထဲက တစ် မျိုးမျိုးနဲ့ ကြုံလာရင် မိန်းမထမင်းဘူး ကို မစောင့်အားတော့ဘူး။ ကျောင်း ကို စောစောသွား၊ လုပ်စရာရှိတာ တွေ ကြိုတင်ပြင်ဆင်လုပ်ပေါ့။
နေ့လယ်စာ စားချိန်ရောက်ရင် ကော်ဖီဆိုင်သွားပြီး ကော်ဖီသောက် လိုက်တယ်။ အရင်က ကော်ဖီတစ် ခွက်ကို ဗိုက်ပြည့်ပေမယ့် အခုနှစ်ခွက် သောက်မှ ဗိုက်ပြည့်တော့တာ။ ခွက် က ငယ်သွားတာကိုး။
မိဘတွေ ထားခဲ့တဲ့ ငါးပင်လေး ခန်း အိမ်လေးက အိုဟောင်းယိုင်နဲ့ လာပြီ။ ရတဲ့လစာနဲ့ မိသားစုတိုင်း ထွာစားရင်း လောက်ငှတယ်မရှိတော့ အိမ်ကို ပြန်မပြင်နိုင်ဘူး။ နေလို့မဖြစ် တဲ့အဆုံး ငွေသက်သာမယ့်နည်းကို လက်သမားဆရာနဲ့တိုင်ပင်ပြီး ငါးပင် လေးခန်းအိမ်ကြီးကို လေးပင်သုံးခန်း ပြန်ပြင်လိုက်တယ်။ အိမ်ကကောင်း သွားပေမယ့် တစ်ခန်းလျော့ပြီး ငယ် သွားတာပေါ့။
x x x x
ကျွန်တော် အထက်တန်းပြဆရာ ဘဝရောက်တော့ သမီးက မီးဖိုချောင် ဝင်တတ်နေပြီ။ ကျောင်းသွားရင် သမီးထည့်ပေးတဲ့ ပဲပြုတ်ထမင်းဘူး လေးနဲ့ပေါ့။ ကျောင်းဝတ်စုံကလည်း ဇနီးသည်ရဲ့ အပ်စောင်းထိုးချုပ်ရိုး တွေ၊ အပ်ပြန်ပေါက်တွေပါလာပြီ။
တစ်ခါတလေကျောင်းမှာ အ ထက်ပါဆိုခဲ့တဲ့ ပွဲတွေထဲက တစ်မျိုး မျိုးနဲ့ ကြုံလာရင် သမီးထည့်ပေးမယ့် ထမင်းဘူးကို မစောင့်အားတော့ဘူး။ ကျောင်းကို စောစောသွား၊ လုပ်စရာ ရှိတာလုပ်ပေါ့။
နေ့လယ်စာ စားချိန်ရောက်ရင် ကော်ဖီဆိုင်သွားပြီး ကော်ဖီသောက် လိုက်တယ်။ အရင်ကနှစ်ခွက်ဆို ဗိုက် ပြည့်ပေမယ့် အခုသုံးခွက် သောက်မှ ဗိုက်ပြည့်တော့တာ။ ခွက်က ပိုငယ် သွားတာကိုး။
x x x x
ကျွန်တော် အလယ်တန်း ကျောင်းအုပ်ရာထူးတိုးတဲ့နေ့မှာပဲ အိမ်ထောင်ဦးက ပြင်ခဲ့တဲ့ လေးပင် သုံးခန်းအိမ်လေးက ကျွန်တော့်ကို ကျောင်းအုပ်ဆရာကြီးမို့ လေးစား တယ်ထင်ပါရဲ့ ဦးညွှတ်ပြီး အလေးပြု လာတယ်။ တစ်နည်းအားဖြင့် ပြောရ ရင် မျက်နှာစာဘက်ကို ယိုင်လာတာ ပေါ့။ ငွေပိုငွေလျှံနဲ့ မဟာမိတ်မဟုတ် တဲ့ ကျောင်းဆရာဆိုတော့ အရင်လို ပဲ ငွေသက်သာမယ့်နည်းကို လက်သ မားဆရာနဲ့တိုင်ပင်ပြီး လေးပင်သုံး ခန်းအိမ်ကို သုံးပင်နှစ်ခန်းပြန်ပြင် လိုက်တယ်။ အိမ်က ကောင်းသွားပေ မယ့် နဂိုထက်ပိုပြီး ငယ်သွားပြန် တာပေါ့။ အိမ်ငယ်သွားလို့ သမီး လေး စိတ်အားငယ်သွားတော့ ”အ ဖေတို့က ဝိုင်းအကျယ်ကြီးနဲ့နေတာ ကွ”လို့ ပြောပြီး အားပေးလိုက်ရသေး တယ်။ အမှန်တော့ ဝိုင်းက နဂိုအ တိုင်းပါပဲ အိမ်ငယ်လို့ ကျယ်လာတာ ကို ကြံဖန်ဂုဏ်ယူရရှာတာ။
ကျောင်းဆရာဝန်ထမ်းဘဝကို သမင်လည်ပြန်ငဲ့ကြည့်လိုက်တော့ ရာထူးက တစ်ဆင့်ချင်းမြင့်လာပါရဲ့။ ဒါပေမဲ့ ဘဝကပိုပိုပြီး နိမ့်နိမ့်သွား တယ်။ စီးပွားရေးက ထန်းလျက်ကို ခွေးလျက်သလို။ ရာထူးနဲ့ စီးပွား ဓား ချင်းယှဉ်ခုတ်ရင်း ငြိမ်းချမ်းရေးမရတဲ့ ရန်သူတွေဖြစ်၊ ဒီလိုနဲ့ ပင်စင်သွား။
ကျွန်တော် ကျောင်းဆရာ။ ဝတ် စုံရယ်၊ ထမင်းဘူးရယ်၊ နေအိမ်ရယ်၊ ကော်ဖီပန်းကန်ရယ်၊ ဘဝရယ်က တော့ ချစ်ရည်တူမျှကြတဲ့ အâမွှာညီ အစ်ကိုတွေဖြစ်လို့ …။
ညောင်ဦးသန်းဌေး