အောက်တိုဘာ (၁၁) ရက်မှ (၂ ၀) ရက်အတွင်း ဘင်္ဂလားပင်လယ်အော်၌ လေဖိအားနည်းရပ်ဝန်းတစ်ကြိမ်ဖြစ်ပေါ်နိုင်ပြီး နိုင်ငံတစ်ဝန်း၌ မိုးရက်ရှည်ရွာသွန်းနိုင်ကြောင်း မိုးလေဝသနှင့်ဇလဗေဒညွန်ကြားမှုဦးစီးဌာနက ထုတ်ပြန်ထားသည်။
မိုးဇလထုတ်ပြန်ချက်အရ ရန်ကုန်တိုင်း၊ ပဲခူးတိုင်း(အရှေ့ပိုင်း)၊ ဧရာဝတီတိုင်း၊ တနင်္သာရီတိုင်း၊ ကရင်ပြည်နယ်နှင့် မွန်ပြည်နယ်တို့တွင် (၇)ရက် မှ (၉)ရက်ခန့် ရွာသွန်းနိုင်သည်ဟု ဆိုသည်။
ထိုနည်းတူ နေပြည်တော်၊ မန္တလေးတိုင်း၊ ပဲခူးတိုင်း (အနောက်ပိုင်း)၊ မကွေးတိုင်း၊ စစ်ကိုင်းတိုင်း၊ ကချင်ပြည်နယ်၊ ကယားပြည်နယ်၊ ချင်းပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် (၃)ရက် မှ (၆)ရက်ခန့် မိုးထစ်ချုန်းရွာနိုင်ကြောင်းလည်း ထုတ်ပြန်ထားသည်။
အနောက်တောင် မုတ်သုံလေသည် ယနေ့ အောက်တိုဘာ (၁၁) ရက်မှ (၁၄) ရက်အတွင်း မြန်မာနိုင်ငံမြစ်ဝကျွန်းပေါ်ဒေသများမှလည်းကောင်း၊ အောက်တိုဘာ (၁၅) ရက် မှ (၂၀) ရက်အတွင်း မြန်မာနိုင်ငံတောင်ပိုင်း ဒေသများမှလည်းကောင်း ဆုတ်ခွာသွားဖွယ်ရှိကြောင်း မိုးဇလမှ ခန့်မှန်းထားသည်။