တေရန်၊စက်တင်ဘာ ၂၂
အီရန်နိုင်ငံအရှေ့ပိုင်းရှိ ကျောက်မီးသွေးတွင်းတစ်ခု၌ မီသိန်းဓါတ်ငွေ့ယိုစိမ့်မှုကြောင့် ပေါက်ကွဲမှုဖြစ်ပွားကာလူ ၃၀ ထက်မနည်းေ-သဆုံးပြီး ၁၇ ဦး ဒဏ်ရာရရှိခဲ့ကြောင်း အီရန်နိုင်ငံပိုင်မီဒီယာက ဖော်ပြခဲ့ပြီး ထပ်မံ၍လည်း မိုင်းလုပ်သား ၂၄ ဦးခန့် အထဲမှာပိတ်မိနေနိုင်သည်ဟုသိရသည်။
စနေနေ့နှောင်းပိုင်းက ပေါက်ကွဲမှုဖြစ်ပွားပြီးနောက် အာဏာပိုင်များက အဆိုပါဒေသသို့ အရေးပေါ် ဝန်ထမ်းများ စေလွှတ်ထားကြောင်းသိရပြီးပေါက်ကွဲမှုဖြစ်ပွားချိန်တွင် လူ ၇၀ ဝန်းကျင်ခန့် ထိုနေရာတွင် အလုပ်လုပ်နေခဲ့သည်ဟုလည်းဆိုသည်။
ကုလသမဂ္ဂအထွေထွေညီလာခံ တက်ရောက်ရန်အတွက် နူးယော့ခ်သို့သွားရန်ပြင်ဆင်နေသည့် အီရန်နိုင်ငံ၏ ပြုပြင်ပြောင်းလဲရေးသမ္မတသစ် Masoud Pezeshkian ကမူ ပိတ်မိနေသူများအား ကယ်ဆယ်ဖို့နှင့် နစ်နာသူဝန်ထမ်းများ၏မိသားစုများကိုပါ ကူညီရန်ညွှန်ကြားထားသည်ဟုသိရသည်။
ယခုဖြစ်စဉ်နှင့်ပတ်သက်၍ အသေးစိတ်စုံစမ်းစစ်ဆေးမှုများ ကို စတင်နေပြီဖြစ်ကြောင်း ၎င်းကဆက်လက်ပြောကြားခဲ့သည်။
Source -အေပီ
