အိမ်ဖြူတော်နှင့် ဆင်တူတဲ့ ကမ္ဘာ့ဈေးအကြီးဆုံး စံအိမ်ကြီး “သည်ဟုမ်း”

ယခုလက်ရှိ အိမ်ခြံမြေဈေးကွက်မှာ ကမ္ဘာ့ဈေးအကြီးဆုံး စံအိမ်ဆိုတဲ့ ဂုဏ်ပုဒ်ကို သိမ်းပိုက်ထားတာကတော့ “သည်ဟုမ်း” ဆိုတဲ့ လန်ဒန်မှာရှိတဲ့ ဒေါ်လာ သန်း ၃၀၀ တန် အိမ်ကြီးပဲဖြစ်ပါတယ်။

ဝါရှင်တန်ဒီစီ မှာရှိတဲ့ သမ္မတအိမ်တော်ရဲ့ အရှေ့ဘက်မျက်နှာစာနဲ့လည်း ဆင်တူတာကြောင့် ရီဂျင့်စ် ပန်းခြံမှာရှိတဲ့ အိမ်ဖြူတော်ဆိုပြီး လူသိများပါတယ်။ ၂ သောင်း ၉ ထောင် စတုရန်းပေ အကျယ်ရှိပြီး အိပ်ခန်း ၄၀၊ ကားဂိုဒေါင် ၈ လုံး၊ တင်းနစ်ကွင်း၊ ချွေးထုတ်ခန်း၊ စာကြည့်တိုက်နဲ့ ထမင်းစားခန်းကြီးတို့ ပါရှိပါတယ်။

သည်ဟုမ်းကို ဂျော်ဂျီယာ အိမ်ခြံမြေလုပ်ငန်းရှင် ဂျိမ်းစ် ဘာတွန်က ၁၈၁၈ ခုနှစ်မှာ ဆောက်လုပ်ခဲ့တာပါ။ ဘတ်ဖို့ဒ်ကောလိပ်အဖြစ်နဲ့လည်း ဆယ်စုနှစ်များစွာ အသုံးပြုခဲ့ပြီး ၁၉၈၀ ပြည့်နှစ်လောက်မှာတော့ ပုဂ္ဂလိကအိမ်အဖြစ် ပြောင်းသွားခဲ့တာပါ။ အဲဒီစံအိမ်ကို ဆော်ဒီတော်ဝင်မိသားစုက ၁၉၉၈ ခုနှစ်ကစပြီး ပိုင်ဆိုင်ခဲ့ပေမယ့် ငွေအပြည့်ချေဖို့ ပျက်ကွက်ခဲ့တာကြောင့် မကြာသေးမီကဘဲ ပြန်အ သိမ်းခံလိုက်ရတာပါ။

အခုအခါမှာတော့ သည်ဟုမ်းစံအိမ်ကြီးဟာ ပြည်တွင်း၊ ပြည်ပက ဝယ်ယူသူတွေရဲ့ စိတ်ဝင်စားမှုကို ရနေပါပြီ။ အိမ်ကြီးကို သဘောကျလို့ မဟုတ်ဘဲ ရင်းနှီးမြှုပ်နှံတစ်ခုအနေနဲ့ ဝယ်ယူကြမှာပါ။ သည်ဟုမ်းဟာ အချိန်မရွေး ဈေးကောင်းနေတာကြောင့် အကြွေးနဲ့ လုပ်ငန်း လည်ပတ်နေရသူတွေအတွက်တော့ အရေးကြုံရင် အကြွေးကို အမြန်ဆုံးနဲ့ အလွယ်ကူဆုံး ဆပ်လို့ရမယ့် ပိုင်ဆိုင်မှုတစ်ခုဖြစ်လာမှာပါ။

Source: Odditycentral