အလှအပရေးရာ ဆေးခန်းတွင် ကိုယ်ခန္ဓာ အဆီစုပ်ထုတ်ရန်သွားခဲ့သည့် အမျိုးသမီး အသက်ဆုံးရှုံး

သင်္ဃန်းကျွန်းမြို့နယ်ရှိ IRIS Beauty Clinic အလှအပရေးရာ ဆေးခန်းတွင် ကိုယ်ခန္ဓာအဆီစုပ်ထုတ်ရန်သွားသည့် အသက် (၂၇) နှစ်အရွယ် အမျိုးသမီးတစ်ဦးသည် ယင်းဆေးခန်းတွင် အသက်ဆုံးရှုံးကာ အလောင်းစွန့်ပစ်ခံခဲ့ရကြောင်း သတင်းထွက်ပေါ်နေပြီး သက်ဆိုင်ရာက စုံစမ်းစစ်ဆေးမှုများ လုပ်ဆောင်နေကြောင်း သိရသည်။

ကျောက်တံတားမြို့နယ်တွင် နေထိုင်သူ ယင်းအမျိုးသမီး၏ ရုပ်အလောင်းကို ခုနစ်ရက်ကြာမှသာ ဇန်နဝါရီလ (၂) ရက်က ဒဂုံမြို့သစ်(ဆိပ်ကမ်း)မြို့နယ်တွင် အလောင်းပြန်လည် ရရှိခဲ့သည်ဟု ယင်းအမျိုးသမီး၏ မိတ်ဆွေများက ပြောသည်။

ယင်းအမျိုးသမီးသည် ဒီဇင်ဘာ (၂၇) ရက်၊ ညနေပိုင်းတွင် သင်္ဃန်းကျွန်းမြို့နယ်ရှိ IRIS Beauty Clinic အလှအပရေးရာ ဆေးခန်းတွင် ကိုယ်ခန္ဓာ အဆီစုပ်ထုတ်ရန်သွားရောက်ခဲ့ကာ မိသားစုနှင့်အဆက်အသွယ် မရတော့သဖြင့် သူငယ်ချင်း၊မိတ်ဆွေများက လူမှုကွန်ရက်နှင့် ရဲစခန်းတို့တွင် အဆက်သွယ်မရဘဲ လူပျောက်နေသည့်အကြောင်းကို တိုင်ကြားခဲ့ခြင်း ဖြစ်သည်။

မဇာခြည်ဦး၏ အလောင်းကို ပြန်လည်ရှာဖွေတွေ့ရှိချိန်တွင် သူမဝတ်ဆင်ထားသည့် လက်ဝတ်လက်စားရတနာများကို တွေ့ရှိရသော်လည်း လက်ကိုင်ဖုန်းကိုမှု မတွေ့ရှိကြောင်းလည်း သိရသည်။

“ပြန်တွေ့တာကတော့ ဇန်နဝါရီ (၂) ရက်နေ့မှာ ပြန်တွေ့ပါတ ယ်။ ဒဂုံဆိပ်ကမ်းရဲစခန်းက (၂) ရက်နေ့ ညနေပိုင်းမှာ သူ့အလောင်းကို တွေ့တဲ့အကြောင်းကို အကြောင်းကြားလို့ သိရပါတယ်။ ကျောက်တံတားရဲစခန်းမှာ လူပျောက်တိုင်ကြားထားတာပါ။ ရဲစခန်းတွေက အချင်းချင်း ပြန်အကြောင်း ကြားလို့ သိရှိရပါတယ်” ဟု သူမ မိတ်ဆွေတစ်ဦးက လူမှုကွန်ရက်တွင် ရေးသားထားသည်။

လက်ရှိတွင် IRIS Beauty Clinic ပိုင်ရှင် လင်မယားသည် သင်္ဃန်းကျွန်းရှိ ငှားရမ်းတိုက်ခန်းထားသော တိုက်ခန်းကို ပြန်လည်အပ်နှံပြီး ထွက်ပြေးတိမ်းရှောင်နေကာ အမှုကို သ က်ဆိုင်ရာက လိုက်လံစုံစမ်းနေသည်ဟု သိရှိရသည်။