ခွေးနှစ်ကောင်ဟာ တစ်ကောင် နဲ့တစ်ကောင် မြင်ဖူးကြပါတယ်။ တစ်ကောင်နဲ့တစ်ကောင် ကိုက် လည်းမကိုက်ဖူးပါ။ ဟောင်လည်း မဟောင်ဖူးပါ။ တစ်ကောင်က အိမ် ထဲမှာပင်နေ၍ တစ်ကောင်က လမ်း ပေါ်မှာ နေပါတယ်။ သူတို့နှစ်ကောင် ဘာမှမဆိုင်ပေမယ့် နှစ်ကောင်စ လုံး နဲ့ကတော့ အိမ်ကဆိုင်နေပါတယ်။
ဘိုဖြူက ဗမာခွေး၊ အဖြူရောင် ဖြစ်ပါတယ်။ ထောင်ထောင်မောင်း မောင်းနဲ့ ဘယ်သူ့မှ ဗိုလ်မထားတဲ့ ခွေးပေါ့။ လမ်းထဲလျှောက်ရင် ခြင်္သေ့ တစ်ကောင်ဟန်ပန်မျိုးနဲ့ လျှောက် တတ်တဲ့ခွေးပေါ့။ ကျွန်တော်တို့ အိမ် ဆောက်တုန်းက အိမ်ဝိုင်းထဲ ဝင်နေ တတ်တယ်။ ညကျရင် သူစောင့် ရှောက်နေတဲ့အကြောင်း ဟောင် ဟောင်ပြီးပြတတ်တယ်။ ဓာတ်မီးနဲ့ ထိုးကြည့်ရင် ဝင့်ဝင့်ကြွားကြွားနဲ့ လည်တိုင်ကို မော့ထားတတ်တယ်။
ဒါပေမဲ့ အဲဒါဟာ လွန်ခဲ့တဲ့ ငါးနှစ်လောက်ကပါ။ အခုတော့ သူဟာ အိုစပြုလာပါပြီ။ သူ့ကြောင့် ခွေးဘဝ ရောက်ခဲ့တဲ့ ခွေးတွေတောင် သူ့ကိုမလေးစားတော့ပါဘူး။ သူ လည်း တစ်ခါတစ်ခါ အမြီးလေး အောက်ချပြီး သွားလာနေတာ တွေ့ရဲ့။ သူနဲ့နေတဲ့အိမ်မှာ ခွေးလေး တွေ များလာတဲ့အခါ သူကလမ်း ပေါ်မှာပဲ အနေများလာခဲ့တယ်။
အိမ်က ခွေးမလေး ကေတီမ အတွက် ခေါက်ဆွဲဆိုင်က ကြက်ရိုး လေး ဝယ်လာတဲ့အခါ သူက အိမ်ထဲ မဝင်ခင် ဖြတ်ပြီးတောင်းတတ်ရဲ့။ လမ်းထဲက လူတွေလမ်းထိပ်ကို ထွက် တဲ့အခါ သူကအစောင့်အရှောက် ပမာ လိုက်သွားတတ်တာ လည်းရှိရဲ့။
ကေတီမက ဘိုခွေးလေး။ ခွေး ဖြူမလေးပါ။ သေးသေးကျစ်ကျစ်နဲ့ အမွေးစုတ်ဖွားလေးပါ။ သူ့ကို အဲဒီ နာမည်ပေးခဲ့တာက အရင်အိမ်ရှင်က ပါ။ အရင်အိမ်ရှင်က ခွေးအဝင် မတော်လို့ဆိုပြီး သူ့ကိုအိမ်ထဲမသွင်း တဲ့အခါ ကျွန်တော်တို့အိမ်ရှေ့ကနေ ဟောင်ဟောင်ပြီး တံခါးဖွင့်ခိုင်းတဲ့ ခွေးလေးပါ။ သူရောက်တဲ့နေ့က မိုး တွေကလည်း ရွာနေတော့ သနား တာနဲ့ သူ့ကိုလက်ခံထားလိုက်တာပါ။
နောက်နေ့ မိုးတိတ်တော့ ကျွန်တော်က သူ့ကိုပြန်ခိုင်းပါတယ်။ သူက ရုတ်တရက် ကိုယ်ကိုလှဲချပြီး လက်ကလေးနှစ်ဖက်နဲ့ ရှိခိုးသလို လုပ်ပါတယ်။ အဲဒါနဲ့ပဲ သနားတာနဲ့ သူ့ကို အိမ်ထဲမှာပဲမွေးထားလိုက်ပါ တယ်။ အိမ်ကသမီးတွေရဲ့ ဆိုင်ကယ် သံကိုလည်း ထပ်ခနဲကြားလိုက်တာနဲ့ မှတ်မိတယ်။ ကြားရင် အိပ်နေတာက နေ ချက်ချင်းထပြီး ဝန်းတံခါးဘက် ပြေးတော့တာပဲ။ လူစိမ်းလာရင်လည်း ဟောင်တယ်။ အိမ်ကလူတွေနဲ့ စ ကားပြောပြီးရင်တော့ သူ့တာဝန်ကျေ သွားတဲ့အတိုင်း မဟောင်တော့ဘူး။ သိတတ်လိမ္မာတယ်လို့ပဲ ဆိုရတော့ မှာပေါ့။
(၂)
တစ်ညမှာ အိပ်မပျော်တာနဲ့ ဝရန်တာကနေ အပြင်ကိုကြည့်မိ တယ်။ ဘိုဖြူကြီးက လမ်းပေါ်မှာ အိပ်လို့။ နှစ်နှစ်ခြိုက်ခြိုက်။ ကေတီ မလေးကတော့ အိမ်ထဲမှာအိပ်လို့။ ကောင်းကင်မှာ ကြယ်တွေစုံလို့ပေါ့။ အိမ်ထဲက ပန်းရနံ့လေးတွေကလည်း သင်းလို့။ စွယ်တော်ပင်ရှိတယ်။ သပြေပင် ရှိတယ်။ ညမွှေးပန်းရှိ တယ်။ ပန်း လေးတွေ ကျွန်တော်တို့နဲ့ ပတ်သက် နေတယ်။ သူတို့ချင်းကော သိပါ့မလား။ ရှိနေတယ်ဆိုတာ သိပါ့ မလား။
ငယ်သူငယ်ချင်းတစ်ယောက် ဆုံးပါးသွားတယ်။ ကျွန်တော်သတင်း လောက်ပဲ လှမ်းမေးလိုက်နိုင်ရဲ့။ သူ ကတော့ ရှိနေခဲ့တယ်လေ။
လေပြည်လေး တိုက်ခတ်လာ တယ်။ သူရှိပါရဲ့။ တခြားရှိတာတွေ ဘယ်လိုသိနိုင်ပါ့မ လဲ။ ရှိတာတွေက ရှိနေတာဖြစ်ပြီး တစ်စုံတစ်ရာ၊ တစ်စုံတစ်ခုနဲ့ ပတ်သက်ဆက်နွှယ် နေကြတယ်။ ရှိနေတာအချင်းချင်း ကော ရှိတဲ့အကြောင်း သိနိုင်ပါ့မ လား။ မိတ်ဆွေတစ်ဦးနဲ့ မန္တလေးမှာ ဆုံကြတယ်။ မန္တလေးမှာရောက်ပြီး ၁ဝ နှစ်လောက်ကြာမှ သိကြရတာ ပါ။ ပြန်စဉ်းစားကြည့်ရင်တော့ ဝမ်းနည်းစရာလေ။
ကျွန်တော်တို့ မသိလိုက်တဲ့ အကြောင်းတရားများ၊ မသိလိုက်သ လို ပျောက်ကွယ်သွားလေမလား၊ သိ ခြင်းဟာ သိခြင်းအမှန်နဲ့ ခံစားမှုဟာ ခံစားမှုအမှန်ဖြစ်လို့ သဘာဝတရား ကြီးက မှန်နိုင်ပါ့မလား။ မနက်မိုး လင်းရင်တော့ နေထွက်လာမှာပါ။
မောင်ကြည်သာ (တောင်တွင်း)