ရန်ကုန်၊ ဇူလိုင်-၃၀
နေပြည်တော်မှ ရန်ကုန်သို့ ထွက်ခွာလာသည့် အမှတ် (၃၂) အစုန် DEMU ရထားသည် ဇူလိုင်လ ၂၉ ရက် ညနေပိုင်းက သုဝဏ္ဏခုံးကျော်တံတားကို ဖြတ်သန်းစဉ် ခဲဖြင့် ပ-စ်ပေ-ါက်ခံခဲ့ရကြောင်း မြန်မာ့မီးရထားထံမှ သိရသည်။
ဖြစ်စဉ်မှာ ဇူလိုင်လ ၂၉ ရက် ညနေ ၃ နာရီကျော်ခန့်တွင် သင်္ဃန်းကျွန်းနှင့် မလွှကုန်းဘူတာအကြား သုဝဏ္ဏခုံးကျော်တံတားကို ဖြတ်သန်းမောင်းနှင်စဉ် ရထား၏ ညာဘက်ခြမ်းကို ခဲဖြင့် ပ-စ်ပေ-ါက်ခံခဲ့ရခြင်းဖြစ်သည်။
အဆိုပါ ခဲဖြင့် ပ-စ်ပေ-ါက်ခံရမှုကြောင့် ရထားတွဲဆိုင်းပါ ပထမဆုံးတွဲအမှတ် DEMUF(C)-4029၏ ညာဘက်ခြမ်း ခရီးသည် အတက်/အဆင်းတံခါး အောက်ဆုံးမှန်ထိမှန်၍ ကြေမွအက်ကွဲပျ-က်စီးခဲ့ပြီး လိုက်ပါလာသည့် ခရီးသည်များ ထိခိုက်ဒ-ဏ်ရာရရှိမှု မရှိကြောင်း သိရသည်။
ဖြစ်စဉ် ဖြစ်ပွားပြီးနောက် သင်္ဃန်းကျွန်း ရထားရဲစခန်းနှင့် တိုးကြောင်ကလေး ရထားရဲစခန်းတို့မှ တာဝန်ရှိသူများက အခင်းဖြစ်နေရာသို့ သွားရောက်စစ်ဆေးခဲ့ပြီး ပြစ်မှုကျူးလွန်သူကို ဖမ်းဆီးရမိရေး ဆောင်ရွက်လျက်ရှိသည်။
ဖမ်းဆီးရမိပါက သက်ဆိုင်ရာ နယ်မြေရဲစခန်းတွင် ရထားပို့ဆောင်ရေးလုပ်ငန်းဥပဒေဖြင့် အရေးယူဆောင်ရွက်သွားမည်ဖြစ်ကြောင်း သိရသည်။
၂၀၁၆ ခုနှစ် ဇန်နဝါရီ ၅ ရက်တွင် ထုတ်ပြန်ပြီးဖြစ်သည့် ရထားပို့ဆောင်ရေးလုပ်ငန်းဥပဒေ၊ အခန်း ၁၈၊ ပုဒ်မ ၇၉(ခ)အရ ရထားကို တစ်စုံတစ်ရာဖြင့် ပ-စ်ပေ-ါက်ခြင်း(သို့မဟုတ်)တစ်စုံတစ်ရာ ပြုလုပ်ခြင်းအတွက် ပြစ်ဒ-ဏ်အ နေဖြင့် ပုဒ်မ ၈၄ အရ အနည်းဆုံး ထောင်ဒ-ဏ် (၅) နှစ်မှ အများဆုံး ထောင်ဒ-ဏ် အနှစ် (၂၀) အထိ ချမှတ်နိုင်သည့်အပြင် ငွေဒ-ဏ်လည်း ချမှတ်နိုင်ကြောင်း ပြဋ္ဌာန်းထားသည်။