အမေရိကန်ပြည်ထောင်စုတွင် အစ္စရေးသံတမန်နှစ်ဦး လုပ်-ကြံခံရပြီးနောက် ဝမ်းနည်းခြင်းအထိမ်းအမှတ်အဖြစ် ကမ္ဘာတစ်ဝန်းရှိ ၎င်းတို့၏ သံရုံးအဆောက်အအုံများတွင် အစ္စရေးအလံများကို တိုင်တစ်ဝက်ချလွှင့်ထူထားမည်ဖြစ်ကြောင်း အစ္စရေးနိုင်ငံခြားရေးဝန်ကြီး Gideon Sa’ar က ပြောကြားခဲ့သည်။
“ဂျေရုဆလင်ရှိ [အစ္စရေး] နိုင်ငံခြားရေးဝန်ကြီးဌာနနဲ့ ကမ္ဘာတစ်ဝန်းရှိ အစ္စရေးသံရုံးတွေဟာ ကျွန်တော်တို့ ဝန်ထမ်းတွေ အသ–တ်ခံရပြီးနောက် သူတို့ရဲ့အလံတွေကို တိုင်တစ်ဝက်ချထားမှာပါ” ဟု သူက သတင်းစာရှင်းလင်းပွဲအတွင်း ပြောကြားခဲ့သည်။
ကွယ်လွန်သွားသော သံရုံးဝန်ထမ်းများသည် Yaron Lischinsky နှင့် Sarah Milgrim တို့ဖြစ်ကြောင်း ၎င်းက အတည်ပြုခဲ့သည်။
ယင်းမတိုင်မီ အစ္စရေးဝန်ကြီးချုပ် ဘင်ဂျမင်နေတန်ယာဟု က ဝါရှင်တန်ဒီစီတွင် သံတမန်နှစ်ဦး ေ-သဆုံးပြီးနောက် အစ္စရေးသံရုံးအားလုံးတွင် လုံခြုံရေးအစီအမံများ တိုးမြှင့်ရန် အမိန့်ပေးခဲ့ကြောင်း ပြောကြားခဲ့သည်။ အဆိုပါဖြစ်ရပ်နှင့် ပတ်သက်၍ နေတန်ယာဟုက ယင်းကြေကွဲဖွယ်ရာ ဖြစ်ရပ်သည် ဂျူးလူမျိုးမုန်းတီးရေးဝါဒ ထပ်မံပေါ်ထွက်လာခြင်းတစ်မျိုးဖြစ်သည်ဟု ပြောကြားခဲ့သည်။
ဝါရှင်တန်ဒီစီရှိ Capital Jewish ပြတိုက်အပြင်ဘက်တွင် အစ္စရေးသံရုံးဝန်ထမ်းနှစ်ဦး ေ-သနတ်ဖြင့် ပစ်ခတ်ခံရပြီး ေ-သဆုံးခဲ့ကြောင်း သက်ဆိုင်ရာက သတင်းထုတ်ပြန်ခဲ့သည်။ မြို့တော်ရဲချုပ် Pamela Smith ၏ ပြောကြားချက်အရ ေ-သဆုံးသူ သံတမန်များမှာ အမျိုးသားတစ်ဦးနှင့် အမျိုးသမီးတစ်ဦးတို့ဖြစ်သည်။ ၎င်းတို့သည် ပြတိုက်တွင်ကျင်းပသော ပွဲတစ်ခုမှ ပြန်လာစဉ် အသက် ၃၀ အရွယ် သံသယရှိသူက ေ-သနတ်ဖြင့် ပ-စ်ခတ်ခဲ့ခြင်းဖြစ်သည်။ ဖမ်းဆီးခံရသူသည် ဖမ်းဆီးခံရစဉ်အတွင်း “Free Palestine” ဟူသော ကြွေးကြော်သံ အော်ဟစ်ခဲ့ကြောင်းကိုလည်း သူက ပြောကြားခဲ့သည်။
အမေရိကန်ရှေ့နေချုပ် Pam Bondi က သူမသည် အခင်းဖြစ်ပွားရာနေရာသို့ သွားရောက်ခဲ့ပြီးပြီဖြစ်ကြောင်း ဆိုခဲ့သည်။
အမေရိကန်သမ္မတ ဒေါ်နယ်ထရမ့်က ၎င်း၏ Truth Social စာမျက်နှာတွင် ဝါရှင်တန် ပစ်ခတ်မှုကို “ဂျူးလူမျိုးမုန်းတီးမှု” ဟု ပြစ်တင်ရှုတ်ချခဲ့သည်။ အမေရိကန်နိုင်ငံခြားရေးဝန်ကြီး မာကိုရူဘီယိုကလည်း သူ၏ X စာမျက်နှာတွင် ယင်းဖြစ်ရပ်သည် “ကြောက်ရွံ့ပြီး ဂျူးလူမျိုးမုန်းတီးသည့် အကြမ်းဖက်မှုလုပ်ရပ်” ဖြစ်ကြောင်း ပြောကြားခဲ့ပြီး ကျူးလွန်သူများအားလုံးကို ရှာဖွေဖော်ထုတ်၍ တရားဥပဒေနှင့်အညီ အရေးယူသွားမည်ဟု ကတိပြုခဲ့သည်။