မန္တလေးတိုင်းဒေသကြီး၊ အမရပူရမြို့နယ်၊ တောင်အင်း မြောက်အင်း သုဿာန်အနီးရှိ အမှိုက်ပုံ မီးလောင်မှု ဖြစ်ပွားခဲ့ရာ အနီးရှိ လူနေအိမ်များသို့ပါ ကူးစက်လောင်ကျွမ်းခဲ့ပြီး အချိန် (၁၀)နာရီခန့် ဝိုင်းဝန်ငြှိမ်းသတ်ခဲ့ရကြောင်း မီးသတ်တပ်ဖွဲ့နှင့် လူမှုကူညီရေးအသင်းများမှ သိရသည်။
မေလ (၆) ရက်၊ နံနက် (၃)နာရီ (၃၅)မိနစ် အချိန်ခန့်က ဖြစ် ပွားခဲ့ခြင်းဖြစ်ပြီး အမရပူရမြို့နယ် မီးသတ်စခန်းမှ မီးသတ်ရေသယ်ယာဉ် (၁)စီး၊ ဖျောက်ဆိတ်ကုန်းအရန်မီးသတ်စခန်းမှ မီးသတ်ရေသယ်ယာဉ် (၁)စီး၊ မီးသတ်စက်ယာဉ်(၁)စီး၊ မြ စ်ငယ်နယ်မြေ မီးသတ်စခန်းမှ မီးသတ်ရေသယ်ယာဉ် (၁) စီး၊ ပြည်ကြီးတံခွန်မြို့နယ် လောကပါလ အရန်မီးသတ် စ ခန်းမှ မီးသတ်ရေသယ်ယာဉ် (၁)စီး၊ ယာတော်အရန်မီးသတ်စခန်းမှ မီးသတ်ရေသယ်ယာဉ် (၁)စီး၊ သင်ပန်းကုန်းအရန်မီးသတ်စခန်းမှ မီးသတ်ရေသယ်ယာဉ် (၁)စီး၊ သန္ဓေမီးသ တ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ရကြောင်း သိရသည်။
အဆိုပါ အမှိုက်ပုံ မီးလောင်မှုကို“မဏီစလ”လူမှုကူညီရေးအသင်းမှ ရေသယ်ယာဉ်နှင့် မီးအလင်းရောင်ရရှိရေး (Lig hting Car) (၂)စီးဖြင့် နံနက် (၄) နာရီခန့်တွင် မြန်မာနိုင်ငံမီးသတ် တပ်ဖွဲ့ဝင်များနှင့်အတူ ဝိုင်းဝန်းကူညီဆောင်ရွက်ခဲ့ကြောင်း သိရသည်။
“မနက်အစောပိုင်း လောင်ကျွမ်းတာပေါ့နော်။ မီးများပါတ ယ်။ လေပြင်းတွေ တိုက်ခတ်တော့ လူနေအိမ်ဘက်တွေကိုပါ ကူးစက်ခဲ့တာပါ”ဟု အနီးနားဝန်းကျင်ရှိ ဒေသခံ တစ်ဦးက ပြောသည်။
ထိုသို့ ငြှိမ်းသတ်ရာ နံနက် (၁၁)နာရီအချိန် မီးထိန်းနိုင်ခဲ့ပြီး နေ့လယ် (၁) နာရီ (၁၅) မိနစ်အချိန်တွင် မီးငြှိမ်းသတ်နိုင်ခဲ့ကြောင်း သိရသည်။
အဆိုပါ အမှိုက်ပုံ မီးလောင်မှု မီးများခဲ့သဖြင့် အနီးနားဝန်း ကျင်ရှိ နေအိမ်များသို့ပါ ကူးစက်လောင်ကျွမ်းခဲ့ရပြီး နေအိ မ်မည်မျှလောင်ကျွမ်းဆုံးရှုံးခဲ့သည်ကို မသိရှိရသေးပေ။
