အစ္စရေး-အီရန်စစ်ပွဲဆဌမမြောက်နေ့ရောက်လာ၊ အီရန်ကိုချွင်းချက်မရှိ အညံ့ခံရန် ထရမ့်ပ်တောင်းဆို

   
အီရန်နိုင်ငံအနေဖြင့် မည်သည့်တစုံတရာသော စည်းကမ်းသတ်မှတ်ချက်မှမထားဘဲ အညံ့ခံရန် အမေရိကန် သမ္မတ ဒေါ်နယ်ထရမ်ပ့်က တို-က်တွန်းခဲ့သော်ငြားလည်း အစ္စရေးနှင့် အီရန်တို့သည် ဗုဒ္ဓဟူးနေ့တွင်လည်း ဒုံးကျည်များ ဖြင့် အပြန်အလှန် ဆက်လက် ပ-စ်ခတ်ခဲ့ပြီး ကာလကြာရှည် ရန်ဘက်များအကြား လေကြောင်းမှ စစ်ခင်းမှုသည် ခြောက်ရက်မြောက်နေ့သို့ ရောက်ရှိလာခဲ့သည်။
        
အီရန်သည် ဗုဒ္ဓဟူးနေ့နံနက်အစောပိုင်း နှစ်နာရီအတွင်း အစ္စရေးကို နှစ်ကြိမ်တိုင် ဒုံးမိုးရွာခဲ့သည်ဟု အစ္စရေးစစ်တပ်က ပြောကြားခဲ့သည်။ တယ်လဗီ ဝေဟင်တွင် ပေါ-က်ကွဲသံများထွက်ပေါ်ခဲ့သည်။
       
မိမိတို့ လေတပ်သည် အီရန်စစ်စခန်းများကို တို-က်ခို-က်မည်ဖြစ်၍ တေရန်မြို့ခံများ ဘေးလွတ်ရာရွှေ့ကြရန် အစ္စရေးက ပြောကြားခဲ့သည်။ တေရန်မြို့တော်နှင့် ယင်းအနောက်ဘက်ကာရပ်ဂ်ျမြို့တို့တွင် ပေါ-က်ကွဲသံများကြားရသည်ဟု အီရန်သတင်းဝက်ဘ်ဆိုက်များက ဖော်ပြခဲ့သည်။
         
အမေရိကသည် စိတ်မရှည်‌တော့ဟု အင်္ဂါနေ့တွင် ထရမ့်ပ်က ဆိုရှယ်မီဒီယာပေါ်မှ သတိပေးခဲ့သည်။ လက်ရှိအခြေအနေတွင် အီရန်ခေါင်းဆောင်ကို သ-တ်ဖြ-တ်ရန် ရည်ရွယ်ချက်မရှိဟု ၎င်းက ပြောဆိုသော်လည်း အမေရိက၏ ပါဝင်ပတ်သက်မှု နက်ရှိုင်းစေမည်လား ဆိုသည်ကို ချိန်ဆနေချိန်တွင် ၎င်း၏ မှတ်ချက်ပြု ပြောကြားချက်များက အီရန်အပေါ် ပိုမိုတင်းမာလာသည်ဟု ယူဆရသည်။
         
  “အဓိပတိခေါင်းဆောင်ကြီး” လို့ ဆိုတဲ့သူက ဘယ်နေရာမှာ ပုန်းနေတယ်ဆိုတာ ငါတို့ အတိအကျသိတယ်” ဟု အီရန်ခေါင်းဆောင်ကြီး အယာတိုလာ အလီခါမေနီကို ရည်ညွှန်းကာ ၎င်းက ထရုဆိုရှယ်မီဒီယာတွင် ရေးသားခဲ့သည်။ “ငါတို့သူ့ကို ရှင်းပစ်မှာတော့ မဟုတ်ပါဘူး။ လောလောဆယ်ပေါ့။ ငါတို့ သိပ်စိတ်မရှည်‌ တော့ဘူး” ဟု ထရမ့်ပ်က ပြောကြားခဲ့သည်။
       
ယင်းနောက် သုံးမိနစ်အကြာတွင် “ချွင်းချက်မရှိ အညံ့ခံပါ” ဟု ထရမ့်ပ်က ပို့စ်တင်ခဲ့သည်။
            
ထရမ့်ပ်သည် အင်္ဂါနေ့တွင် အစ္စရေးဝန်ကြီးချုပ် ဘင်ဂျမင် နေတန်ယာဟုနှင့် ဖုန်းပြောခဲ့ကြောင်း အိမ်ဖြူတော် အရာရှိတစ်ဦးက ပြောကြားခဲ့သည်။

Ref: အာရပ်နူးစ်