ငလျင်ဒဏ်ခံစားခဲ့ရသော အင်းလေးဒေသတွင် ကျေးလက်ဖွံ့ဖြိုးရေးဦးစီးဌာနမှဦးဆောင်၍ ကူညီရေးအဖွဲ့များမှ ရေသန့်နှင့် Mobile Toilet များစီစဉ်ပေးနေကြောင်း သိရသည်။
ရှမ်းပြည်နယ်၊ ကျေးလက်ဒေသဖွံ့ဖြိုးတိုးတက်ရေး ဦးစီးဌာနအနေဖြင့် ၂၀၂၅ ခုနှစ် မတ် (၃၀) ရက်မှစပြီး အင်းလေးဒေသရှိ ကျေးရွာ (၄၅) ရွာကို သောက်သုံးရေဖြန့်ဝေပေးခဲ့ရာ ယနေ့အချိန်အထိ ရေဂါလန် (၇၉,၆၀၀) ဖြန့်ဝေနိုင်ခဲ့ပြီး ဖြစ်သည်။
ထိုနည်းတူ ကျေးလက်ဒေသဖွံ့ဖြိုးတိုးတက်ရေးဦးစီးဌာနနှင့် Eco Care ကုမ္ပဏီတို့ ပူးပေါင်းပြီး ကျေးရွာသောက်သုံးရေရရှိရေးအတွက် နှစ်မိုင်ခန့်ကွာဝေးသော အင်ကြင်းကုန်းရွာစက်ရေတွင်းမှ အင်းလေးကန်ကို ဖြတ်၍ GI ရေပိုက်လိုင်းသွယ်တန်းပေးထားသည်။
ထို့ပြင် UNICEF ကလည်း ကေလာကျောင်းတိုက်၌ Pilot Project အနေဖြင့် Bio Septic Tank Mobile Toilet ကိုစမ်းသပ်ဆောင်ရွက်လျက်ရှိသည်ဟု သိရသည်။