ကလေ-းသူငယ်များကို အကာအကွယ်ပေးရန် ရည်မှန်းသည့် ဆိုရှယ်မီဒီယာ အသုံးပြုသူများအတွက် အနိမ့်ဆုံးအသက်အရွယ်သတ်မှတ်ချက်စည်းမျဉ်းထုတ်ရန် အင်ဒိုနီးရှားက စီစဉ်နေသည်ဟု ဆက်သွယ်ရေးဝန်ကြီးက ပြောကြားခဲ့သည်။
အဆိုပါအစီအစဉ်သည် အသက် ၁၆ နှစ်အောက်ကလေ-းများကို ဆိုရှယ်မီဒီယာသုံးခြင်းမှ တားမြစ်လိုက်သည့် သြစတြေးလျနိုင်ငံ၏ ဆုံးဖြတ်ချက်နှင့်အလားတူဖြစ်ပြီး အင်စတာဂရမ်၊ ဖေ့စ်ဘုတ်ပိုင်ရှင် Meta မှသည် TikTok အထိပါဝင်သော နည်းပညာကုမ္ပဏီကြီးများသည် ၎င်းတို့ ပလက်ဖောင်းများသို့ ကလေ-းများဝင်ရောက်အသုံးပြုခြင်းကို တားမြစ်ရန် ပျက်ကွက်ပါက ဒဏ်ရိုက်ခံရနိုင်သည်။
အင်ဒိုနီးရှားနိုင်ငံတွင် အနိမ့်ဆုံးအသက်အရွယ် မည်မျှသတ်မှတ်မည်ဆိုသည်ကို ဝန်ကြီး Meutya Hafid က မပြောသေးပေ။ အစီအစဉ်နှင့် ပတ်သက်၍ သမ္မတ ပရာဘိုဝို ဆူဘီယန်တိုနှင့် ဆွေးနွေးခဲ့ပြီးနောက် ဇန်နဝါရီ ၁၃ ရက်အနှောင်းပိုင်းတွင် ဝန်ကြီးက ထုတ်ဖော်ပြောဆိုခဲ့ခြင်းဖြစ်သည်။
လူဦးရေ သန်း ၂၈၀ ခန့်ရှိသော အင်ဒိုနီးရှားနိုင်ငံတွင် အင်တာနက် ဝင်ရောက်မှုနှုန်းသည် ၂၀၂၄ ခုနှစ်တွင် ၇၉ ဒဿမ ၅ ရာခိုင်နှုန်းရောက်ရှိခဲ့သည်ဟု အင်ဒိုနီးရှား အင်တာနက်ဝန်ဆောင်မှုပေးသူများအသင်းက လူပေါင်း ၈,၇၀၀ ကို ကောက်ယူခဲ့သော စစ်တမ်းအရ သိရသည်။
Ref: သည်စထရိတ်တိုင်းမ်စ်