အင်ဒိုနီးရှားနိုင်ငံရှိ အစ္စလာမ်မစ်ဘော်ဒါကျောင်းပြိုကျမှု၌ အသ-က်ဆုံးရှုံးရသည့် ကျောင်းသားအရေအတွက်သည် ၃၆ ဦးအထိ ရှိလာခဲ့ကြောင်း နိုင်ငံ၏ သဘာဝဘေးအန္တရာယ်လျော့ကျရေးဌာနက တနင်္ဂနွေနေ့တွင် ပြောကြားခဲ့သည်။
လက်ရှိအထိ ပျေ-ာက်ဆုံးစာရင်းကြေညာခံထားရဆဲဖြစ်သော ကျောင်းသား ၂၇ ဦး၏ ရုပ်အလောင်းများကို တွေ့ရှိရေးအတွက် ခုနစ်ရက်မြောက်နေ့အထိ ဆက်လက်ရှာဖွေနေဆဲဖြစ်ကာ အပြိုအပျ-က်များအောက် ပိ-တ်မိသွားခဲ့သူ အများစုသည် အသက် ၁၃ နှစ်မှ ၁၉ နှစ်အရွယ်ရှိ ဆယ်ကျော်သက်ယောက်ျားလေးများဖြစ်ကြောင်း ဌာနက ပြောသည်။
အပျ-က်အစီးများကို တူးဖော်ရန် ကရိန်းများချထားပြီး ရှာဖွေ၊ ရွှေ့ပြောင်းမှုလုပ်ငန်းစဉ်သည် ၆၀ ရာခိုင်နှုန်းပြီးမြောက်ပြီဖြစ်ကြောင်းနှင့် တနင်္လာနေ့တွင် အပျ-က်အစီးအားလုံး ရှင်းလင်းပြီးရန်နှင့် ရှာဖွေမှုအဆုံးသ-တ်ရန် မျှော်မှန်းထားကြောင်း ဌာနက ပြောကြားခဲ့သည်။
ပြီးခဲ့သော တနင်္လာနေ့က အရှေ့ဂျာဗားပြည်နယ် စီဒိုအာဂျိုမြို့ရှိ AI Khoziny ကျောင်းသည် အပေါ်ထပ်များ၌ လုပ်ဆောင်နေသော တည်ဆောက်ရေးလုပ်ငန်းများ၏ ဒ-ဏ်ကို အောက်ခြေဖောင်ဒေးရှင်းက မခံနိုင်ဖြစ်သ၍ မွန်းလွဲပိုင်းတွင် ဝတ်ပြုနေကြသည့် ရာနှင့်ချီသော ကျောင်းသားများပေါ်ပြိုကျသွားခဲ့သည်။
ကယ်ဆယ်ရေးလုပ်ငန်းစဉ်များတွင် အသ-က်ရှင်ကျန်ရစ်သူ တွေ့ရှိနိုင်သည့် လက္ခဏာမတွေ့ရတော့သဖြင့် သောကြာနေ့တွင် အကြီးစားစက်ယန္တရားများကို အသုံးပြုကာရှာဖွေရန် ကျောင်းသားမိဘများက ကယ်ဆယ်ရေးသမားများကို သဘောတူပေးခဲ့ကြသည်။
AI Khoziny သည် ဒေသတွင်း၌ pesantren ဟုသိကြသည့် အစ္စလာမ်မစ် စစာသင်ကျောင်းတစ်ကျောင်းဖြစ်သည်။
Ref: အေဘီစီနူးစ်