သံမဏိအရည်အသွေး စစ်ဆေးနိုင်ရေး နိုင်ငံတကာအသိအမှတ်ပြု ဓာတ်ခွဲခန်းများထူထောင်ရန်ညှိနှိင်းဆောင်ရွက်နေ

သံမဏိမူဝါဒ ထုတ်ပြန်ပြဋ္ဌာန်းနိုင်ရေးနှင့် အရည်အသွေးပြည့်မီသော သံ၊ သံမဏိများထုတ်လုပ်နိုင်ရေး ညှိနှိုင်းဆွေးနွေးပွဲကို ယမန်နေ့ ဩဂုတ်လ (၃၁)ရက်က နေပြည်တော် စက်မှုဝန်ကြီးဌာနတွင် ကျင်းပခဲ့ကြောင်း သိသည်။

ယင်းဆွေးနွေးပွဲတွင် နိုင်ငံအတွက် သံမဏိလိုအပ်ချက်၊ ထုတ်လုပ်မည့် သံမဏိများအား အရည်အသွေးပြည့်မီနိုင်ရေးအတွက် စီမံဆောင်ရွက်နေမှု၊ ပြည်တွင်း၌ သံမဏိများအား အရည်အသွေးပြည့်မီစွာထုတ်လုပ်နိုင်ရေး သံမဏိများ၏ အရည်အသွေးစစ် ဆေးနိုင်ရေးအတွက် နိုင်ငံတကာ အသိအမှတ်ပြု ဓာတ်ခွဲခန်းများ ထူထောင်နိုင်ရေးအတွက် ညှိနှို င်းဆောင်ရွက်နေမှုတို့ကို ဆွေးနွေးခဲ့ကြကြောင်း သိရသည်။

မန္တလေးငလျင်ကြီးကြောင့် လူနေအိမ်အဆောက်အုံများစွာပြိုပျက်ခဲ့ပြီး ပြည်သူလူထု‌ေ-သဆုံးမှုများရှိခဲ့ရပြီး နောင်တစ်ချိန်တွင် ယခုကဲ့သို့ ထိခိုက်ပျက်ဆီးမှု မရှိစေရေးအတွက် အနည်းဆုံး (၈)ရစ်ခ်တာစကေးခံနိုင်သည့် အဆောက်အုံများဆောက်လုပ်ရန် လမ်းညွှန်ထားမှုများလည်းရှိကြောင်း စက်မှုဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်း က ပြောကြားခဲ့သည်။

ထိုကြောင့် ဆောက်လုပ်ရေးလုပ်ငန်းသုံး သံမဏိများနှင့်ပတ်သက်၍ ပြည်တွင်းထုတ်လုပ်မှုနှင့် ပြည်ပမှတင်သွင်းမှုများအပေါ်တွင် စံချိန်စံညွှန်းအရည်အသွေးပြည့်မီရေး စစ်ဆေးကြပ်မတ်ဆောင်ရွက်ရန်လည်း ပြည်ထောင်စုဝန်ကြီးက ဆွေးနွေးပွဲတွင် ပြောကြားခဲ့ကြောင်း သိရသည်။

ဆွေးနွေးပွဲသို့ စက်မှုဝန်ကြီးဌာန ပြည်ထောင်စုဝန်ကြီး ဒေါ က်တာချာလီသန်း၊ ညွှန်ကြားရေးမှူးချုပ်များ၊ ဦးဆောင်ညွှ န်ကြားရေးမှူးများ၊ ဒုတိယ အမြဲတမ်းအတွင်းဝန်၊ အထွေထွေမန်နေဂျာများနှင့် တာဝန်ရှိသူများ တက်ရောက်ကြပြီး မြန်မာနိုင်ငံ သံ နှင့် သံမဏိအသင်း ဥက္ကဋ္ဌ၊ မြန်မာနိုင်ငံသံမ ဏိလုပ်ငန်းရှင်များအသင်း ဒုတိယ ဥက္ကဋ္ဌ၊ မန္တလေးတိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များအသင်း ဥက္ကဋ္ဌ၊ မန္တလေးတိုင်းဒေသကြီးနှင့် စစ်ကိုင်းတိုင်းဒေသကြီးတို့မှ သံမဏိလုပ်ငန်းရှင်များ၊ စက်မှုကြီးကြပ်ရေးနှင့် စစ်ဆေးရေးဦးစီးဌာနမှူးများက Virtual စနစ်ဖြင့် တက်ရောက်ခဲ့ကြောင်း သိရသည်။