သီးနှံအထွက်နှုန်းမြင့်မားစေရေးနှင့်ပတ်သက်၍ သု တေသနပြုအဖြေရှာခြင်းများပြုလုပ်ရန် နိုင်ငံတော်သ မ္မတ ဦးမင်းအောင်လှိုင်က ယနေ့ ဇွန် ၅ ရက်ကကျင်းပသည့် ၂၀၂၆ ခုနှစ် ကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ်အခမ်းအနား၌ မှာကြားခဲ့ခြင်းဖြစ် သည်။
” သီးနှံစိုက်ဧကအများအပြားရှိပေမယ့် အထွက်နှုန်း လျော့နည်းနေတဲ့ဒေသတွေက်ု သုတေသနအဖွဲ့တွေစေ လွှတ်ပြီး အချိန်ယူသုတေသနပြုအဖြေရှာရပါမယ်။ နေ ကြာမျိုးစေ့တွေနဲ့ နှမ်းမျိုးစေ့တွေကိုလည်း ဆက်လက်တိုးချဲ့ထုတ်လုပ်နိုင်ဖို့လိုပါတယ်။ စိုက်ဧကတိုးချဲ့မယ်ဆိုရင် ဖြစ်ပေါ်လာနိုင်မယ့် မျိုးစေ့လိုအပ်ချက်တွေဖြည့်ဆည်းပေးနိုင်ဖို့အတွက် မျိုးစေ့ထုတ်လုပ်ခြင်းလုပ်ငန်းတွေကို ပြည်တွင်းမှာဘဲ စဉ်ဆက်မပြတ် သု တေသနပြုထုတ်လုပ်ဖို့လိုပါတယ်”ဟု နိုင်ငံတော်သမ္မ တက မှာကြားသည်။
ထို့ပြင် မြန်မာနိုင်ငံမှထွက်ရှိသည့် ပြည်ပဈေးကွက်သို့တင်ပို့လျက်ရှိသော ပဲမျိုးစုံသည် အခြားနိုင်ငံများမှ ပဲများနှင့်နှိုင်းယှဉ်ပါက အရောင်အဆင်း လိုအပ်ချက်ရှိနေရာ ပဲမျိုးများအား သုတေသနပြုထုတ်လုပ်ရာ၌ အ ရွယ်အစား၊ အရောင်အဆင်း၊ အရသာ (၃)မျိုးလုံးကောင်းမွန်ရန်လိုကာ ဥတုရာသီသုံးမျိုးလုံးစိုက်ပျိုးနိုင်ရေးအတွက်လည်းဆောင်ရွက်ရမည်ဟု မှာကြားသည်။
” ဒေသအလိုက် ရေမြေသဘာဝတူညီမှုရှိမှာမဟုတ်လို့ အရွယ်အစား၊ အရောင်အဆင်း၊ အရသာတွေကွဲပြားခြားနားနိုင်ပေမယ့် ဒေသအလိုက်ကိုက်ညီတဲ့ သီးနှံမျိုး စေ့တွေကို စနစ်တကျသုတေသနပြုထုတ်လုပ်ဖို့လိုပါတယ်။ သီးနှံတွေကို ပြည်ပတင်ပို့ရောင်းချရာမှာလည်း အမြတ်နည်းနည်းနဲ့ အရေအတွက်များများရောင်းချနိုင်ဖို့ဆောင်ရွက်ရပါမယ်”ဟု နိုင်ငံတော်သမ္မတက မှာကြားသည်။
နိုင်ငံတော်သမ္မတသည် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ စိုက်ပျိုးရေးသုတေသနဦးစီး ဌာန၊ ပဲမျိုးစုံသီးနှံသုတေသနဌာနစုမှ သုတေသနပြုထုတ်လုပ်ထားသည့် ပဲမျိုးများ၊ နေကြာမျိုးများနှင့် သီး နှံမျိုးများကိုလည်း ကြည့်ရှုစစ်ဆေးခဲ့သည်။