ဆောက်လုပ်ရေးဝန်ကြီးဌာန၊ မြို့ပြနှင့်အိမ်ရာဖွံ့ဖြိုးရေးဦးစီးဌာနကတာဝန်ယူ တည်ဆောက်နေသော သီလဝါအိမ်ရာရှိ အခန်းများကို အတိုးနှုန်းသက်သာစွာဖြင့် ယခုလအတွင်း ရောင်းချပေးသွားမည်ဖြစ်ကြောင်း အသိပေးကြေညာထားသည်။
သီလဝါအိမ်ရာတွင် ကျန်ရှိသော (၆) ခန်းတွဲ (၅) ထပ် (၆၁) ခန်း၊ (၈) ခန်းတွဲ (၅)ထပ် (၂၇) ခန်း၊ စုစုပေါင်း (၈၈) ခန်းကိုချေးငွေစနစ်ဖြင့် ချိတ်ဆက်၍ ရောင်းချပေးသွားမည်ဖြစ်သ ည်။
ဆောက်လုပ်ရေး၊ အိမ်ရာနှင့်အခြေခံအဆောက်အအုံဖွံ့ဖြိုးရေးဘဏ်၌ ၂၀၂၃ ခုနှစ်၊ ဒီဇင်ဘာ (၃၁) ရက်အထိ အိမ်ရာစုဆောင်းငွေ ကျပ်သိန်း (၃၀) နှင့်အထက် ပြည့်မီအောင် စုဆောင်းထားသူ စာရင်းတွင် ပါဝင်သူများသည် မြို့ပြနှ၏င့်အိမ်ရာဖွံ့ဖြိုးရေးဦးစီးဌာန၏ “DUHD Sale Housing Face book Page Messenger” မှတဆင့် စာရင်းပေးသွင်း လျှောက်ထားနိုင်ကြောင်း၊Messenger မှတစ်ဆင့် အမည်စာရင်း လက်ခံခြင်းကို ၂၀၂၅ ခုနှစ်၊ ဇန်နဝါရီ (၂၀) ရက်မှ ၂၄ ရက်အတွင်း နံနက် (၉) နာရီခွဲမှ ညနေ (၄) နာရီအချိန်အထိ ဆောင်ရွက်ပေးသွားမည်ဖြစ်ကြောင်း သိရသည်။
ယင်းကြောင့် ရောင်းချမည့် အိမ်ရာတည်နေရာ၊ အဆောက်အဦအမျိုးအစား၊ အခန်းအကျယ်အဝန်း၊ ဈေးနှုန်းစသည့် ပူးတွဲပါ အချက်အလက်တို့ကို ကြည့်ရှုလေ့လာပြီး အမည်၊ အဖအမည်၊ မှတ်ပုံတင်အမှတ်၊ အိမ်ရာအမည်၊ CHID Bank Down Payment Serial No တို့ကို ပြည့်စုံစွာ စာရင်းပေးသွင်းရမည်ဖြစ်ပြီး အခန်းအရေအတွက်အရ CHID Bank ၏ တန်းစီဇယား အစောဆုံး အမှတ်စဉ် (၈၈) ဦးအား မဲနှိုက်ခွင့် ပြုမည်ဖြစ်ကြောင်း သိရသည်။
အဆိုပါ အခန်းမဲနှိုက်ပေးခြင်းကို ၂၀၂၅ ခုနှစ်၊ ဇန်နဝါရီ (၂ ၈) ရက်တွင် ဆောင်ရွက်သွားမည်ဖြစ်ကာ အခန်းဝယ်ယူခွင့်ရသူသည် အိမ်ရာချေးငွေအား မဖြစ်မနေ ချေးယူရမည် ဖြစ်ကြောင်း အသိပေးထားသည်။