ဓါတ်သတ္တု ( ရွှေ )ရည်ညွှန်းဈေးသတ်မှတ်ရေးကော်မတီမှသတ်မှတ်သော သတ်မှတ်ရည်ညွှန်းဈေးဖြင့်သာ အရောင်း /အဝယ်ပြုလုပ်ကြောင်း ရွှေဆိုင်အချို့မှ ထုတ်ပြန်ထားသည်။
ယင်းတွင် အောင်သမာဓိ စိန်ရွှေရတနာဆိုင်နှင့် ရွှေသန့်စင်လုပ်ငန်းသည်ဓါတ်သတ္တု ( ရွှေ )ရည်ညွှန်းဈေးသတ်မှတ်ရေးကော်မတီမှသတ်မှတ်သော သတ်မှတ်ရည်ညွှန်းဈေးဖြင့်သာ အရောင်း /အဝယ်ပြုလုပ်ကြောင်း၊ Social Media နှင့် Online တွင် ဖော်ပြလျက်ရှိသောအောင်သမာဓိရွှေဈေးများသည် အမှန်တကယ်အရောင်းအဝယ်ပြုလုပ်သောအောင်သမာဓိရွှေဈေးနှုန်းများ ( လုံးဝ )မဟုတ်ပါကြောင်း ထုတ်ပြန်ထားသည်။
ဇူလိုင် ၁ ရက်မှစတင်ပြီး စနစ်သစ်အလေးချိန် (16.32935g)ဖြင့် အရောင်း /အဝယ်ပြုလုပ်သွားမည်ဖြစ်ကြောင်း သိရသည်။
ထို့ပြင် ဇွဲထက်ရွှေဆိုင်မှလည်း နိုင်ငံတော်မှသတ်မှတ်ပေးထားသောရွှေရည်ညွှန်းဈေးအတိုင်း ရောင်း/ဝယ်ခြင်း ဆောင်ရွက်လျှက်ရှိကြောင်း၊ ရွှေစင်အကယ်ဒမီ ရတနာရွှေဆိုင် (𝐇𝐭𝐞𝐭 𝐌𝐲𝐚𝐭 𝐘𝐚𝐝𝐚𝐧𝐚 𝐂𝐨., 𝐋𝐭𝐝)သည် ဓာတ်သတ္တု(ရွှေ) ရည်ညွှန်းစျေး သတ်မှတ်ရေးကော်မတီမှ သတ်မှတ်သော သတ်မှတ်ရည်ညွှန်းစျေး ဖြင့်သာ အရောင်းအဝယ် ပြုလုပ်ပေးနေကြောင်း အသိပေးထုတ်ပြန်ထားသည်။
လက်ရှိတွင် ကမ္ဘာရွှေဈေးကျဆင်းလာသည့်အတွက် ပြည်တွင်းရွှေဈေးနှုန်းသည်လည်း လိုက်ပါကျဆင်းလာကြောင်း သိရသည်။