သတင်းတုသတင်းမှားများလျော့နည်းပပျေ-ာက်စေရေးကိုပါဆွေးနွေးခဲ့ကြသည့် ကမ္ဘာ့သတင်းမီဒီယာကောင်စီ(WAPC)၏ အထွေထွေအစည်းအဝေးနှင့် 2nd Pan-African Media Councils’ Summit 2025 ညီလာခံသို့ မြန်မာနိုင်ငံသတင်းမီဒီယာကောင်စီ ဥက္ကဋ္ဌ ဒေါက်တာတင်ထွန်းဦးတက်ရောက်ခဲ့သည်။
WAPC ၏ အထွေထွေအစည်းအဝေးနှင့် 2nd Pan-African Media Councils’ Summit 2025 ညီလာခံအား တန်ဇန်းနီးယားနိုင်ငံ၊ Arusha မြို့တွင် ဇူလိုင် ၁၄ ရက်မှ ၁၆ ရက်အထိကျင်းပခဲ့ခြင်းဖြစ်သည်။
ညီလာခံတွင် ကမ္ဘာနှင့် အာဖရိကတိုက်နိုင်ငံများ၌ သတင်းမီဒီယာသမားများအတွက် သတင်းမီဒီယာဆိုင်ရာကျင့်ဝတ်နှင့် စည်းမျဥ်းစည်းကမ်းများချ မှတ်ရေး၊ ကျင့်ဝတ်နှင့်ညီညွတ်၍ တာဝန်ယူမှု တာဝန်ခံမှုရှိသော သတင်းမီဒီယာသမားများအတွက် စာနယ်ဇင်းလွတ်လပ်ခွင့်ရရှိစေရေး၊ သတင်းတုသတင်းမှားများလျော့နည်းပပျောက်စေရေးနှင့် AI (Artificial Intelligence)နည်းပညာကို မီဒီယာကဏ္ဍတွင် စနစ်တကျအသုံးချနိုင်စေရေးတို့ကို ဆွေးနွေးခဲ့ကြသည်။
ထို့အတူ မြန်မာနိုင်ငံသတင်းမီဒီယာကောင်စီ ဥက္ကဋ္ဌ ဒေါက်တာတင်ထွန်းဦးမှလည်း မြန်မာနိုင်ငံမီဒီယာလောကနှင့် သတင်းမီဒီယာကောင်စီ၏ အခန်းကဏ္ဍကို ဆွေးနွေးပြောကြားခဲ့သည်။
ညီလာခံသို့ တန်ဇန်းနီးယားနိုင်ငံ ဒု-သမ္မတ Dr. Philip Isdor Mpango တက်ရောက်၍အဖွင့်အမှာစကားပြောကြားကာ ဝန်ကြီးများ၊ အာဖရိက၊ အာရှနှင့် ဥရောပတိုက်တို့ရှိ နိုင်ငံပေါင်း(၃၀)ခန့်မှ သတင်းမီယာကောင်စီ ဥက္ကဋ္ဌများနှင့် တာဝန်ရှိသူများ၊ အိမ်ရှင်နိုင်ငံမှ သတင်းမီဒီယာသမားများတက်ရောက်ခဲ့ကြပြီး ဇူလိုင် ၁၇ ရက်တွင် နိုင်ငံတကာမှ တက်ရောက်လာကြသူများအား Arusha National Park အမျိုးသားသဘာဝဥယျာဥ်သို့ လေ့လာရေး ခရီးပို့ဆောင်ပေးခဲ့သည်။