သက်ဆင်ကဝင်ငွေနည်းသူများအတွက်အိမ်တစ်သန်း ဆောက်လုပ်ပေးမည်

ထိုင်းဝန်ကြီးချုပ်ဟောင်း သက်ဆင်ရှင်နာဝပ်ထရာက ဝင်ငွေနည်းပါး‌သော ထိုင်းပြည်သူပြည်သားများအတွက် နေအိမ်တိုက်ခန်း တစ်သန်း ဆောက်လုပ်ပေးသွားမည်ဟု တနင်္ဂနွေနေ့က Bueng Kan ပြည်နယ်တွင် ပြုလုပ်သော မဲဆွယ်စည်းရုံးမှုတစ်ခုတွင် ပြောကြားသည့် မိန့်ခွန်း၌ ကတိပြုခဲ့သည်။

ပြီးခဲ့သည့် သီတင်းပတ်ကုန်ပိုင်းက အစိုးရ၏Home for Thais အစီအစဉ်ကို စတင်လိုက်ပြီးနောက် လူပေါင်း ၃၁ သန်းက တိုက်ခန်းအတွက် စာရင်းသွင်းရန် စိတ်ဝင်စားကြောင်းဖော်ပြခဲ့ကြပြီး သိန်းနှင့်ချီ၍ မှတ်ပုံတင်ထားပြီဖြစ်ကြောင်း သက်ဆင်က ပြောကြားခဲ့သည်။

ဖေဖော်ဝါရီ ၁ ရက်တွင်ပြုလုပ်မည့် ပြည်နယ်အုပ်ချုပ်ရေးအဖွဲ့ ရွေးကောက်ပွဲများမတိုင်မီ တနင်္ဂနွေနေ့က Bueng Kan ပြည်နယ်ရှိ မဲဆွယ်စည်းရုံးပွဲတစ်ခုတွင် သူက ထိုကဲ့သို့ ပြောကြားခဲ့ခြင်းဖြစ်သည်။

လက်ရှိတွင် တိုက်ခန်းအရေအတွက် ၇,၀၀၀ ခန့်သာ ဆောက်လုပ်ထားပြီး ဝယ်လိုအား အရမ်းများနေသည်ဟု သူက ပြောဆိုခဲ့သည်။

အိမ်ရာလိုအပ်ချက်မြင့်မားမှုကို ဖြေရှင်းသည့်အနေဖြင့် အစိုးရက ယခုနှစ်တွင် အနည်းဆုံး တိုက်ခန်း တစ်သိန်းဆောက်လုပ်သွားမည်ဖြစ်ကာ နောက်နှစ်တွင် တစ်သိန်းထပ်မံ ဆောက်လုပ်သွားမည်ဖြစ်သည်ဟု သူက ဆက်လက် ပြောဆိုခဲ့သည်။

အဆိုပါ စီမံကိန်း၏ ရည်မှန်းချက်သည် နေအိမ်တိုက်ခန်း တစ်သန်းတည်ဆောက်သွားရန်ဖြစ်သည်ဟု သူက ပြောဆိုသည်။

ဖြူထိုင်းပါတီ တဖြစ်လဲ ထိုင်းရတ်ထိုင်းပါတီကို သူဦးဆောင်ခဲ့ချိန်ကတည်းက ဘန်ကောက်တွင် နေထိုင်အလုပ်လုပ်ကိုင်ကြသည့် ဝင်ငွေနိမ့်သူများအတွက် အိမ်ရာများ အထူးသဖြင့် ကွန်ဒိုတိုက်ခန်းများ ဆောက်လုပ်ရန် စဉ်းစားနေသည်ဟု သက်ဆင်က ပြောကြားခဲ့သည်။

Ref: ဘန်ကောက်ပို့စ်