ပေကျင်း၊ဇန်နဝါရီ ၄
တရုတ်နိုင်ငံ၌ သက်ကြီးရွယ်အိုအရေအတွက်သည်လျင်မြန်စွာ တိုးပွားလာနေကာသူတို့ ကိုယ်တိုင် နှင့် သူတို့၏ မိသားစုဝင်များကို အခက်တွေ့စေသည့် မှတ်ဉာဏ် ချွတ်ယွင်းသောရောဂါပြသနာကို ကိုင်တွယ်ဖြေရှင်းရန် နိုင်ငံတော်အဆင့် ဆောင်ရွက်ချက်စီမံကိန်းကို တရုတ်နိုင်ငံက စတင်လုပ်ဆောင်လိုက်ပြီဖြစ်ကြောင်းသိရသည်။
နိုင်ငံတော်ကျန်းမာရေးကော်မရှင်နှင့် နိုင်ငံတော်ဖွံ့ဖြိုးတိုးတက်ရေးနှင့် ပြုပြင်ပြောင်းလဲရေးကော်မရှင်တို့အပါအဝင် အဖွဲ့အစည်းပေါင်း ၁၅ ခုက ပူးပေါင်းလုပ်ဆောင်ခြင်းဖြစ်ပြီး ရောဂါတိုက်ဖျက်ရေးလုပ်ငန်းစဉ် ၇ ခုဖြင့်လုပ်ဆောင်သွားမည်ဖြစ်ကာ ၂၀၃၀ ပြည့်နှစ်တွင် အောင်မြင်ရန်ရည်မှန်းထားသည်ဟုသိရသည်။
စီမံကိန်းအရ မှတ်ဉာဏ်ချွတ်ယွင်းမှု ရောဂါအတွက် ဘက်ပေါင်းစုံမှ စဉ်ဆက်မပြတ်ကြိုတင်ကာကွယ်ရေးနှင့်ထိန်းချုပ်ရေးစနစ်ကိုချမှတ်ခြင်း၊ကာကွယ်မှု လုပ်ငန်းများကို လုပ်ဆောင်ခြင်းခြင်း၊စစ်ဆေးခြင်း၊ရောဂါရှာဖွေခြင်း၊ ကုသခြင်းနှင့် ပြန်လည် ထူထောင်ခြင်း နှင့် စောင့်ရှောက်ခြင်း များပါဝင်ပြီး ယင်းသို့ပြုစုစောင့်ရှောက်ရေးစင်တာများကို ၂၀၃၀ ပြည့်နှစ်ကိုနောက်ဆုံးထား၍ ထူထောင်သွားမည်ဟုလည်းသိရသည်။
တရုတ်နိုင်ငံ၌ သက်ကြီးရွယ်အိုအရေအတွက်တိုးမြင့်လာသည်နှင့်အမျှ မှတ်ဉာဏ် ချွတ်ယွင်းသော ရောဂါကို ခံစားနေရသူဝေဒနာရှင်များတိုးပွားလာပြီး လူမှုအသိုင်းအဝိုင်းအတွက်လည်း စိုးရိမ်စရာအနေအထားတစ်ခုဖြစ်လာသဖြင့် ယခုအစီအစဉ်ကို အကောင်အထည်ဖော်ခြင်းဖြစ်သည်။
တရုတ်နိုင်ငံ၌ သက်ကြီးရွယ်အိုများအကြားအဖြစ်များသည့် အယ်လ်ဇိုင်းမားနှင့် အခြား မှတ်ဉာဏ် ချွတ်ယွင်းမှု ရောဂါများဖြစ်ပွားသည့်အရေအတွက်သည် ၂၀၂၁ ခုနှစ်က ၁၆ သန်းကျော်အထိမြင့်တက်သွားကြောင်းသိရပြီး တရုတ်နိုင်ငံရှိ ရောဂါဝေဒနာရှင်အရေအတွက်သည် တစ်ကမ္ဘာလုံးရှိ ဝေဒနာရှင်များ၏ ၃၀ ရာခိုင်နှုန်းနီးပါးရှိသည်ဟုလည်းသိရသည်။
Source : ရှင်းဟွာ