လင်းခါး၏ကဗျာများကို ဖတ်ရှု ပြီး ပြောပြချင်တာ အနည်းငယ်ရှိ လာသည်။ လင်းခါးသည် ခေတ်ကြီး နှင့် အံဝင်ခွင်ကျမဖြစ်သေးသော သူ တစ်ယောက်ဖြစ်သည်။ ခေတ်ကြီးက ပြီးပြည့်စုံသည့်ခေတ်ကြီး မဟုတ်သေး သလို လင်းခါးကလည်း ပြီးပြည့်စုံ သည့် လူသားတစ်ယောက်မဟုတ် သေး။ သူ၏ ခေတ်ကြီးနှင့်အံဝင်ခွင် ကျမဖြစ်မှုသည်ပင် သူ့ကဗျာများကို ဖန်တီးဖြစ်စေဖို့ အဓိကမောင်းနှင် အားကြီးဖြစ်လာသည်။ ယနေ့ခေတ် ကြီးထဲမှာ ရုန်းနေကြသူများထဲတွင် ကဗျာဆရာများလည်း ပါဝင်ကြ သည်။ လင်းခါးသည် ကဗျာဆရာ တစ်ယောက်ဖြစ်သည်။ ခေတ်ကြီးထဲ မှာ ရုန်းနေသောသူ့အသံကို ကြားနိုင် သည်။ ကဗျာထဲမှာ ကဗျာဆရာ အ သံ ပါဝင်နေစမြဲဖြစ်သည်။ ခေတ်ကြီး ထဲမှာ ရုန်းကြရင်း ခေတ်ကြီးကို ပိုမို ကောင်းမွန်လာစေလိုသူများ ပိုမိုပြည့် စုံလာစေလိုသူများရှိသည်။ ထိုအထဲ တွင် ကဗျာဆရာများလည်း ပါဝင်ကြ သည်။ ထိုအထဲတွင် လင်းခါးလည်း ပါဝင်သည်။
ပေါင်မုန့်တွေက အကြီးကြီးတွေ၊ တိုက်တာကြီးတွေကလည်း အမြင့် ကြီးတွေဗျဟု မာယာကော့ဖ်စကီးက ခေတ်ကြီးတစ်ခုကို မှန်းဆရင်းပြောခဲ့ သည်။ မပျော်တဲ့ငါ့အတွက် အခန်း ဟာ မှောင်ပါတယ်ဟု လင်းခါးက ရေးခဲ့ပေသည်။ လင်းခါးတွင် အ မှောင်ဘက်ခြမ်းထဲကျရောက်ခဲ့ဖူး သော အတွေ့အကြုံတွေ ရှိပုံရသည်။ မှောင်နေသော ကဗျာဆရာတစ် ယောက်ရဲ့ ဘဝဟာ တုန်လှုပ်ဖွယ်ရာ ကောင်းပါသည်။ အမှောင်ထဲမှာ အဆုံးစွန်ထိရောက်တဲ့ နာကျင်မှုတွေ၊ မျက်ရည်တွေ၊ သောကဗျာပါဒတွေ လည်း ပြည့်နေမှာပဲဟု သူရေးသည်။ ပြီးနောက် သူသည်အမှောင်ထဲမှာ ကိုယ့်နားရွက်လည်း ကိုယ်ပြန်မမြင် နိုင်သူ၊ ကိုယ့်အခွင့်အရေးလည်း ကိုယ်ပြန် မမြင်နိုင်သူဖြစ်ခဲ့သည်။ သို့ ရာတွင် လင်းခါးသည် အမှောင်ထဲ မှာ ပြီးဆုံးမသွား။ ဆင်ခြင်မှုနဲ့ လင်း တဲ့မီးဟာ အမှောင်ထဲမှာ ဂွမ်းဆီထိ ပီတိဖြာဟုလည်း ရေးနိုင်ခဲ့ပေသည်။ ကြောက်ဖွယ်ကောင်းသော အမှောင် ထဲမှာ သူ့ဆင်ခြင်မှုမီးတောက်ကလေး လင်းနေပုံကို တအံ့တသြတွေ့ရသည်။ လူငယ်တစ်ယောက်ပါပဲ။ ထမင်းကြမ်းခဲကလေးကို လွမ်းမိတဲ့ လူငယ် တစ်ယောက်ပါပဲ။ ဒီကမ္ဘာကြီး ငါမပါလည်း ဆက်လည် နေတာပဲလို့ ထင်သွားစေချင်တဲ့လူငယ်တစ်ယောက်ပါပဲ။ ရေပေါ်ဆီတွေကို ကြည့်မရဖြစ်နေတဲ့ လူငယ်တစ်ယောက်ပါပဲ။ မမြက ဘယ်မှာလဲလို့ လိုက်ရှာနေတဲ့လူငယ်တစ်ယောက်ပါပဲ။ ဘယ်သူမှမပါဘဲ တစ်ကိုယ်တည်းဖြတ်သန်းမယ့် လူငယ်တစ် ယောက်ပါပဲ။ သူ့ကဗျာတွေထဲမှာ နာကျင်မှုတန်ဖိုးတွေပါသည်။ သူ့ကဗျာတွေထဲမှာ စာရိတ္တတန်ဖိုးတွေပါသည်။ သူ့ကဗျာတွေထဲ မှာ သိမှုတန်ဖိုးတွေပါသည်။ သူ့ကဗျာတွေထဲမှာ ဘာသာစကား တန်ဖိုးတွေပါသည်။ ကဗျာကို သူရွေးချယ်ခဲ့သည်။ တစ်နေ့မှာ ကဗျာကလည်း သူ့ကို ပြန်လည်ရွေးချယ်လာလိမ့်မည်ဟု ဆိုလိုက်သေးချင်သည်။
ကျွန်တော်သိသော လင်းခါးက အေးအေးဆေးဆေး တည်တည်ငြိမ် ငြိမ်၊ နောက်ထပ်ကျွန်တော်သိသော လင်းခါးက စူးစူးရဲရဲ ရိုင်းရိုင်း။ သူ့အတွက် အထက်ပါအတိုင်း ကျွန်တော် ရေးခဲ့ခြင်းဖြစ်ပါသည်။
နေမျိုး