Myanmar Women League 2025-26 ပြိုင်ပွဲ ယနေ့ ပွဲစဉ် (၃)အပြီးတွင် လက်ရှိချန်ပီယံ I.S.P.E အသင်းကို အမှတ်အကွာဖြင့် ဧရာဝတီနှင့် သစ္စာအားမာန်အမျိုးသမီးဘောလုံးအသင်းတို့က အမှတ်ပေးဇယားထိပ်ဆုံး၌ ရပ်တည်နေပြီဖြစ်သည်။
အဆိုပါ အသင်းနှစ်သင်းအနေဖြင့် ရမှတ်(၇)မှတ်စီဖြင့် အုပ်စုအဆင့်(၁)နှင့် (၂)နေရာတွင် ရပ်တည်နေပြီး ချန်ပီယံ I.S. P.E အသင်းမှာ ရမှတ်(၄)မှတ်ဖြင့် အဆင့်(၅)နေရာတွင် ရပ်တည်နေသည်။
ထို့အတူ ရန်ကုန်ယူနိုက်တက်နှင့် Young Lionesses အမျိုးသမီးအသင်းတို့မှာ ရမှတ်(၆)မှတ်ဖြင့် အဆင့် (၃)နှင့် (၄)နေရာတွင် ရပ်တည်နေကြသည်။
Y.E.R.O အသင်းမှာ ရမှတ်(၃)မှတ်ဖြင့် အဆင့် (၆)၊ ရှမ်းယူနိုက်တက်အသင်းမှာ ရမှတ်(၁)မှတ်ဖြင့် အဆင့် (၇)နေရာတွင်ရပ်တည်နေကြပြီး၊ Yangon Royals အသင်းနှင့်မြဝတီယူနိုက်တက်အမျိုးသမီးအသင်းတို့မှာ ရမှတ်မရရှိသေးဘဲ အဆင့်(၈)နှင့်(၉)နေရာတွင် အသီးသီးရပ်တည်နေကြသည်။
ယခုနှစ် မြန်မာအမျိုးသမီး လိဂ်ပြိုင်ပွဲတွင် လက်ရှိချန်ပီယံ I.S.P.E ၊ ရန်ကုန်ယူနိုက်တက်၊ ဧရာဝတီအက်ဖ်စီ၊ မြဝတီ၊ သစ္စာအားမာန်၊ ရှမ်းယူနိုက်တက်၊ Y.R.E.O၊ Young Lioness နှင့် အသင်းသစ် Yangon Royals FC စသည့် ပြိုင်ပွဲဝင်အသင်း (၉) သင်း ဝင်ရောက်ယှဉ်ပြိုင်နေခြင်းဖြစ်သည်။