အမေရိကန်သမ္မတ ဒေါ်နယ်ထရမ့်ဟာ တနင်္ဂနွေနေ့က သူ့ရဲ့ Truth Social လူမှုကွန်ရက်မှာ လကမ္ဘာပုံနဲ့အတူ အမေရိကန်အလံပုံကိုပါ တွဲတင်ပြီး “လကမ္ဘာဟာ ငါတို့ပိုင်တာ” လို့ ရေးသားခဲ့တာပါ။
သူက အဲဒီ ပလက်ဖောင်းပေါ်မှာ AI နဲ့ ဖန်တီးထားတဲ့ ပို့စ်တွေကို ဆက်တိုက်တင်ခဲ့ပြီး ဟော်မုဇ်ရေလက်ကြားကိုလည်း အမေရိကန်နယ်မြေလို့ ပြောဆိုထားပါသေးတယ်။
ဒါ့အပြင် နယူးမက္ကဆီကို(New Mexico) ပြည်နယ်ကိုလည်း “နယူးအမေရိက”(New America) ဆိုပြီး နာမည်ပြောင်းဖို့ သူကအကြံပြုခဲ့ပေမယ့် ဒါကိုတော့ ပယ်ချခံခဲ့ရပါတယ်။ ပြည်နယ် အုပ်ချုပ်ရေးမှူးကတော့ ဒီပြည်နယ်နာမည်ဟာ အမေရိကန်နိုင်ငံ မပေါ်ခင်ကတည်းက ရှိနေခဲ့တာပါလို့ တုံ့ပြန်ခဲ့ပါတယ်။ အွန်တာရီအို ရေကန်(Lake Ontario) ကိုလဲ အမေရိကရေကန်ဆိုပြီး နာမည်ပြောင်းဖို့ ထရမ့်က ပြောခဲ့ပါသေးတယ်။