၂၀၂၄ -၂၀၂၅ မြန်မာနေရှင်နယ်လိဂ် အမှတ်ပေးဘောလုံးပြိုင်ပွဲတလျောက် အုပ်စုတွင်း ထိပ်ဆုံး၌ ရပ်တည်နေသည့် ရှမ်းယူနိုက်တက်အသင်းသည် ဇန်နဝါရီ လ(၂၆)ရက်၌ နောက်ဆုံးပွဲစဉ်အနေဖြင့် မြဝတီအသင်းနှင့် ယှဉ်ပြိုင်ကစားသွားမည်ဖြစ်သည်။
အဆိုပါ ပွဲစဉ်ကို ရန်ကုန်မြို့၊ သုဝဏ္ဏကွင်းအတွင်းယှဉ်ပြိုင်ကစားရမည်ဖြစ်ပြီး၊ ပြိုင်ဘက် မြဝတီအသင်းသည် အုပ်စုတွင်း ရမှတ်(၅)မှတ်ဖြင့် အဆင့်(၁၃) နေရာတွင် ရပ်တည်နေသည့်အသင်းဖြစ်သည်။
ရှမ်းယူနိုက်တက်အသင်းမှာ အုပ်စုတွင်း ရမှတ်(၄၆)မှတ်ဖြင့် အဆင့်(၁)နေရာ၌ ရပ်တည်နေသည့် အသင်းဖြစ်ပြီး၊ Asean Club Championship Shopee Cup 2024 – 25 ပြိုင်ပွဲတွင်လည်း နိုင်ငံကိုယ်စားပြု ဝင်ရောက်ယှဉ်ပြိုင်နေရသည့် အသင်းတစ်သင်းဖြစ်သည်။
လာမည့် ဖေဖော်ဝါရီ ဒုတိယအပတ်အတွင်း ပြီးဆုံးတော့မည်ဖြစ်သည့် Myanmar National League 2024-25 ပြိုင်ပွဲကို ပြီးခဲ့သည့်နှစ် ဇူလိုင် (၆)ရက်မှစတင်ခဲ့ကာ ဘောလုံးကလပ်အသင်း (၁၂)သင်း ပါဝင်ကစားနေကြခြင်းလည်းဖြစ်သည်။
ယခုနှစ် ကျင်းပနေသည့် မြန်မာနေရှင်နယ်လိဂ်ပြိုင်ပွဲသည် (၁၅)ကြိမ်မြောက် ရှိပြီဖြစ်ကာ ၂၀၂၄ ဇူလိုင်လ (၆) ရက်မှ ၂၀၂၅ ဖေဖော်ဝါရီလ (၁၆) ရက်ထိ (၈) လကြာ ကျင်းပပြုလုပ်သွားမည်ဖြစ်သည်။