ရွှေတိဂုံစေတီတော်သို့ ၂၀၂၅ ခုနှစ် ဇန်နဝါရီလမှ ဧပြီလအထိ (၄)လတာကာလအတွင်း ပြည်တွင်းပြည်ပမှ ဘုရားဖူးဧည့်သည် (၂၅) သိန်းကျော် လာရောက်ဖူးမြော်ကြည်ညိုကြကြောင်း ရွှေတိဂုံစေတီတော် ဘဏ္ဍာတော်ထိန်းဂေါပကအဖွဲ့မှ သိရသည်။
ယင်းကာလအတွင်း ဘုရားဖူးဝင်ရောက်မှုအနေဖြင့် သံဃာတော် (၄၆၁၄၆) ပါး၊ သာသနာနွယ်ဝင်သီလရှင် (၂၅၅၀၁) ပါး၊ အမျိုးသား (၁၀၉၀၇၃၃) ဦး၊ အမျိုးသမီး (၁၃၁၀၉၀၉) ဦး၊ နိုင်ငံခြားသား (၁၃၀၅၅)ဦး၊ နိုင်ငံခြားသူ (၁၅၀၈၁) ဦး စုစုပေါင်း (၂၅၀၁၄၂၅)ဦးဖြစ်သည်။
အဆိုပါ (၄)လတာကာလတွင် ရွှေတိဂုံစေတီတော်သို့ ဘုရားဖူးဝင်ရောက်မှုသည် ရုံးဖွင့်ရက်များ၌ တစ်ရက်လျှင် အနည်းဆုံးလူဦးရေ (၁၀၀၀၀)ဝန်းကျင်မှ (၄၀၀၀၀)ဝန်းကျင်ထိလာရောက်ကြကြောင်း သိရသည်။
ထို့ပြင် ဘုရားဖူးအချိန်ကိုလည်း ၂၀၂၄ ခုနှစ် ဇွန်လ (၂၁) ရ က်မှစတင်၍ နံနက် (၄) နာရီမှ ည (၁၀) နာရီအထိ တိုးမြှင့်ဖွင့်လှစ်ပေးထားကြောင်း သိရသည်။
လက်ရှိတွင် ရွှေတိဂုံစေတီတော်အား လုံးတော်ပြည့် ရွှေသင်္ဃန်းကပ်လှူခြင်းလုပ်ငန်းမှာ ပြီးစီးသွားပြီဖြစ်၍ ငြမ်းများဖျက်သိမ်းပြီးပြီဖြစ်ကြောင်းလည်း သိရသည်။
အဆိုပါ ငြမ်းဖျက်သိမ်းခြင်းနှင့် အခြားပြုပြင်မှုအခြေအနေများကို သာသနာရေးနှင့် ယဉ်ကျေးမှုဝန်ကြီးဌာန ဒုတိယဝန်ကြီး ဦးအေးထွန်းမှ ပြီးခဲ့သည့် ဧပြီလ (၂၇) ရက်တွင် သွားရောက်ကြည့်ရှုခဲ့ကြောင်း သိရသည်။