ရွေးကောက်ပွဲကျင်းပခြင်းသည် တိုင်းပြည်ငြိမ်ချမ်းရေးအတွက် တစ်ခုတည်းသော နည်းလမ်းလားဟု အာဆီယံ အထူးကိုယ်စားလှယ် မေးခွန်းထုတ်
၂၀၂၃ ရွေးကောက်ပွဲ ကျင်းပခြင်းသည်သာ မြန်မာနိုင်ငံ ငြိမ်းချမ်းရေးအတွက် တစ်ခုတည်းသော နည်းလမ်းဖြစ်ပြီး အခြားနည်းလမ်းမရှိတော့ဘူးလားဟု မြန်မာနိုင်ငံဆိုင်ရာ အာဆီယံ အထူးကိုယ်စားလှယ်က နစက ထိပ်ပိုင်း ခေါင်းဆောင်းများကို မေးခွန်းထုတ်ခဲ့ကြောင်း သိရသည်။
ဇွန်လ နောက်ဆုံးပတ်အတွင်းက မြန်မာနိုင်သို့ လာရောက်ခဲ့သည့် ၎င်း၏ ခရီးစဉ်အတွင်း နစက ခေါင်းဆောင်များနှင့်တွေ့ဆုံစဉ် အဆိုပါ မေးခွန်းကို မေးမြန်းခဲ့ခြင်း ဖြစ် ကြောင်း ၎င်း၏ မြန်မာပြည်ခရီးစဉ်နှင့် ပတ်သက်သည့် အစီရင်ခံစာတွင် အာဆီယံ အထူးကိုယ်စားလှယ်က ပြောကြားခဲ့ခြင်း ဖြစ်သည်။
” ဒီနေရာမှာ တစ်ခုမေးစရာရှိတာက ရွေးကောက်ပွဲလုပ်တာ တစ်ခုတည်းကပဲ ပြဿနာကိုပြေလည်ပြီးငြိမ်းချမ်းစေမှာလား။ ငြိမ်းချမ်းရေးရဖို့ရော တစ်ခြားနည်းလမ်းမရှိဘူးလား” ဟု မေးခွန်းထုတ်ခဲ့ကြောင်း မစ္စတာ ပရပ်ဆွန်ခွန်းက ပြောသည်။
အကယ်၍ ရွေးကောက်ပွဲသည် မြန်မာပြည် ငြိမ်းချမ်းရေးအတွက် တစ်ခုတည်းသော အဖြေဆိုပါက အဆိုပါ ရွေး ကောက်ပွဲကို အားလုံးပါဝင်နိုင်ပြီး လွတ်လပ်မျှတသည့် ရွေးကောက်ပွဲဖြစ်ရန် မည်သို့ လုပ်ဆောင်မည်ကိုလည်း မေးခွန်းထုတ်လိုကြောင်း ၎င်းကဆိုသည်။
နစက အနေဖြင့် ၂၀၂၃ ခုနှစ် ရွေးကောက်ပွဲကို လွတ်လပ်ပြီး တရားမျှတမှုရှိရှိကျင်းပသွားမည်ဟု အာဆီယံ ကိုယ် စားလှယ်ထံ ကတိကဝတ်ပြုခဲ့ကြောင်းလည်း ၎င်း၏ အ စီရင်ခံစာအရ သိရသည်။
ထို့အပြင် တိုင်းပြည်ပုံမှန်ပြန်ဖြစ်ရန် ထွက်ပေါက်အဖြစ်ကျင်းပမည့် အဆိုပါ ရွေးကောက်ပွဲတွင် အနိုင်ရသူအား အာဏာလွှဲပြောင်းပေးမည်လည်း ကတိပြုခဲ့ကြောင်း သိရသည်။
နစက အနေဖြင့် ယင်းကဲ့သို့ ကတိကဝတ်ပြုသော်လည်း ပြည်သူလူထုအများစုနှင့် နိုင်ငံတကာ အသိုင်းအဝိုင်း၏ ဆန္ဒမှာ ၂၀၂၀ ရွေးကောက်ပွဲ ရလဒ်ကို အခြေခံ၍ အစိုးရသစ် ပြန်လည်ခန့်အပ်စေလိုသည့် ဆန္ဒရှိကြကြောင်း အာ ဆီယံ အထူးကိုယ်စားလှယ်က ဆိုသည်။
သို့သော် ယင်းလိုလားချက်သည် လက်ရှိဖြစ်ပေါ်နေသည့် တိုင်းပြည် မတည်ငြိမ်မှုကို ပိုမိုကြာမြင့်အောင် တွန်းအားပေးနေသည်ဆိုသည့်ဟု နစကဖက်တွင် စိုးရိမ်မှုများရှိနေကြောင်းလည်း ၎င်းက ဆိုသည်။
နစက အစိုးရအနေဖြင့် လာမည့် ၂၀၂၃ ခုနှစ် ဩဂုတ်လတွင် တစ်နိုင်ငံလုံး အတိုင်းအတာဖြင့် ရွေးကောက်ပွဲတစ်ရပ် ကျင်းပသွားရန် ပြင်ဆင်မှုများ လုပ်ဆောင်နေပြီး အ ဆိုပါ ရွေးကောက်ပွဲကို PR စနစ် ကျင့်သုံးသွားမည် ဖြစ် ကြောင်း သိရသည်။