Wednesday, July 9, 2025

မန်းချောင်းရေလှောင်တမံ ရေပိုလွှဲမှ ရေကျော်အမြင့် (၃)...

မကွေးတိုင်း၊ ငဖဲမြို့နယ်ရှိ မန်းချောင်း ရေလှောင်တမံမှာ ဇူလိုင် (၈) ရက်၊ ညနေ (၆) နာရီအချိန်၌ ရေပိုလွှဲမှရေကျော်အမြင့် (၃.၄၀) ပေအထိ...

ရုရှားနိုင်ငံ JSC “Rosoboronexport”ကုမ္ပဏီက ငွေကျပ်သန်း(၉၀၀)ကျော်လှူဒါန်း

မန္တလေးငလျင်ကြီးဒဏ်သင့်ခဲ့သူများအတွက် ရုရှားနိုင်ငံ JSC “Rosoboronexport”ကုမ္ပဏီက ငွေကျပ်သန်း(၉၀၀)ကျော်ကို ဇူလိုင် ၈ ရက်နံနက် ၁၀ နာရီက လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနထံလာရောက်လှူဒါန်းခဲ့သည်။ အဆိုပါ...

ငလျင်လှုပ်ပြီး ရက် (၁၀၀) ကျော်ကြာသည်အထိ...

ပြီးခဲ့သည့် မတ်လ (၂၈) ရက်တွင် လှုပ်ခတ်ခဲ့သည့် အင်အားပြင်း ငလျင်ကြီးလှုပ်ခတ်အပြီး ရက် (၁၀၀) ကျော်ကာလအထိ ပြည်သူများသည် အကျပ်အတည်းများဖြင့် ရင်ဆိုင်နေရဆဲဖြစ်ကြောင်း...

MRF မှ ကိုရီးယားနည်းပညာဖြင့် ဆန်ခေါက်ဆွဲ...

ကိုရီးယားနည်းပညာဖြင့် ဆန်ခေါက်ဆွဲ အစိုနှင့် ဆန်ခေါက်ဆွဲ အခြောက်ထုတ်လုပ်နိုင်ရေးကို စီစဉ်ဆောင်ရွက်နေကြောင်း သိရသည်။ အဆိုပါ အစီအစဥ်ကို စီးပွားရေးလုပ်ငန်းရှင်များထံသို့ အသိပေး၍ စီးပွားရေးသံမှူးမှတဆင့် ချိတ်ဆက်ဆောင်ရွက်သွားမည်ဖြစ်ကြောင်း မြန်မာနိုင်ငံဆန်စပါးအသင်းချုပ်ကပြောသည်။ စီးပွားရေးနှင့်...
HomeInternationalရေကြီးရေလျှံမှုများ‌ ကြောင့်အကူအညီလိုအပ်ဟုပါကစ္စတန်နိုင်ငံခြားရေးဝန်ကြီးပြော

ရေကြီးရေလျှံမှုများ‌ ကြောင့်အကူအညီလိုအပ်ဟုပါကစ္စတန်နိုင်ငံခြားရေးဝန်ကြီးပြော

ရေကြီးရေလျှံမှုများ‌ ကြောင့်အကူအညီလိုအပ်ဟုပါကစ္စတန်နိုင်ငံခြားရေးဝန်ကြီးပြော

အစ္စလာမာဘတ်၊ဩဂုတ် ၂၈

ရေကြီးရေလျှံမှုပြသနာများကို ကိုင်တွယ်ဖြေရှင်းရန်အတွက် ပါကစ္စတန်သည် ဘဏ္ဍာရေးအကူအညီလိုအပ်နေသဖြင့် အပြည်ပြည်ဆိုင်ရာငွေကြေးရန်ပုံငွေအဖွဲ့ (IMF) ကဲ့သို့သော အဖွဲ့များအနေဖြင့် စီးပွားရေးကျဆင်းမှုကို ထည့်သွင်းစဉ်းစားကာကူညီပေးရန် နိုင်ငံခြားရေးဝန်ကြီးက ဩဂုတ် ၂၈ ရက်နေ့ကပြောကြားခဲ့သည်။

မုတ်သုံမိုးသည်းထန်စွာရွာသွန်းမှုကြောင့် နိုင်ငံမြောက်ပိုင်းနှင့်တောင်ပိုင်းဒေသများတွင် ရေကြီးရေလျှံမှုများဖြစ်ပေါ်ခဲ့ပြီး လူဦးရေသန်းသုံးဆယ်ကျော်ထိခိုက်ကာ ၁,၀၀၀ ကျော်သေဆုံးခဲ့သည်။

“ကျွန်တော့်အနေနဲ့ဒီလောက်ဆိုးဆိုးရွားရွားထိခိုက်ပျက်စီးတာတစ်ခါမှမကြုံဖူးခဲ့ဘူး၊ပြောရတာတောင်ခက်ပါတယ်” ဟု ပါကစ္စတန်နိုင်ငံခြားရေးဝန်ကြီး ဘီလာဝါးဘူတိုဇာဒါရီ အားရိုက်တာသတင်းဌာနမှမေးမြန်းရာတွင်ပြောကြားခဲ့သည်။ထို့ပြင်၎င်းက ရေကြီးမှုကြောင့်စိုက်ပျိုးသီးနှံအများအပြားလည်းပျက်စီးဆုံးရှုံးမှုများဖြစ်ပေါ်ခဲ့သည်ဟုဆိုသည်။

“ဒီလိုပျက်စီးမှုတွေက စီးပွားရေးစနစ်တစ်ခုလုံးကိုပါထိခိုက်တယ်ဆိုတာသိသာပါတယ်” ဟုထပ်မံပြောကြားခဲ့သည်။တောင်အာရှနိုင်ငံသည် စီးပွားရေးအကျပ်အတည်းနှင့်လည်း ရင်ဆိုင်ခဲ့ရပြီး ငွေကြေးဖောင်းပွမှု၊ငွေကြေးတန်ဖိုးကျဆင်းမှုနှင့် ဘတ်ဂျက်လိုငွေပြမှုများနှင့်လည်း ရင်ဆိုင်နေရသည်။

IMF ဘုတ်အဖွဲ့သည် ကန်ဒေါ်လာ ၁ ဒသမ ၂ ဘီလီယံအား ပါကစ္စတန်သို့ထုတ်ပေးမည်မပေးမည်ကို ယခုတစ်ပတ်အတွင်း ဆုံးဖြတ်မည်ဖြစ်ကြောင်းလည်းသိရှိရသည်။ပါကစ္စတန်အရာရှိများနှင့် IMF ဝန်ထမ်းများအကြားသဘောတူညီမှုရရှိထားပြီးဖြစ်သဖြင့် လာမည့်လများတွင် IMF အနေဖြင့် ရေလွှမ်းမိုးမှု၏နောက်ဆက်တွဲဆိုးကျိုးများကိုအသိအမှတ်ပြုလျက် ထောက်ပံ့ငွေပေးအပ်ရန်မျှော်လင့်သည်ဟု ဘူတိုဇာဒါရီကပြောကြားခဲ့သည်။

ပါကစ္စတန်နိုင်ငံ၏ ဗဟိုဘဏ်သည်လည်း စံချိန်တင်ရွာသွန်းခဲ့သည့် မုတ်သုံမိုးကြောင့် စိုက်ပျိုးရေးကိုထိခိုက်ခဲ့သဖြင့် စီးပွားရေးကိုပါထိခိုက်နိုင်ကြောင်းကြိုတင်အသိပေးထားပြီးဖြစ်သည်။ထို့ပြင်ပါကစ္စတန်အနေဖြင့် ကုလသမဂ္ဂအဖွဲ့ဝင်နိုင်ငံများကိုပါ ကယ်ဆယ်ရေးလုပ်ငန်းများတွင်ပါဝင်ကူညီပေးရန်မေတ္တာရပ်ခံပန်ကြားမည်ဟု ဝန်ကြီးကဆိုသည်။အာဏာပိုင်များအနေဖြင့်လည်း ရာသီဥတုပြောင်းလဲမှု၏ ရေရှည်အကျိုးသက်ရောက်မှုများကို မည်သို့ကိုင်တွယ်ဖြေရှင်းမည်ကိုလေ့လာရန် လိုအပ်သည်ဟုလည်းပြောကြားခဲ့သည်။

“နောက်တစ်ဆင့်အနေနဲ့ကတော့ ပြန်လည်ထူထောင်ရေးနဲ့ပြန်လည်တည်ဆောက်ရေးတွေအတွက် IMF နဲ့သာမက ကမ္ဘာ့ဘဏ်၊အာရှဖွံ့ဖြိုးရေးဘဏ်တို့နဲ့ပါ စကားပြောဆိုမှုတွေပြုလုပ်သွားပါမယ်” ဟု ဘူတိုဇာဒါရီကပြောကြားခဲ့သည်။ယခုရေကြီးမှုအတွက် ကယ်ဆယ်ရေးလုပ်ငန်းများဆောင်ရွက်ပြီးပါက နိုင်ငံအတွင်း ရေကြီးမှုနှင့်မိုးခေါင်မှုနှစ်ခုစလုံးအား ခံနိုင်ရည်ရှိသော အခြေခံအဆောက်အအံုများနှင့် စိုက်ပျိုးရေးကဏ္ဍကိုပါကိုင်တွယ်ဖြေရှင်းရန်လိုအပ်သည်ဟုလည်း ပြောကြားခဲ့သည်။

Source -ရိုက်တာ

Ads Space Available

Boost your brand’s visibility with prime ad space on our website—reach your audience effectively and drive results! Call Us at: 09-420209071

Continue reading

မန်းချောင်းရေလှောင်တမံ ရေပိုလွှဲမှ ရေကျော်အမြင့် (၃) ပေ‌ကျော်အထိ ရှိနေ

မကွေးတိုင်း၊ ငဖဲမြို့နယ်ရှိ မန်းချောင်း ရေလှောင်တမံမှာ ဇူလိုင် (၈) ရက်၊ ညနေ (၆) နာရီအချိန်၌ ရေပိုလွှဲမှရေကျော်အမြင့် (၃.၄၀) ပေအထိ ရောက်ရှိနေကြောင်း တိုင်းဒေသကြီး ဆည်မြောင်းနှင့် ရေအသုံးချမှုစီမံခန့်ခွဲရေး ဦးစီဌာန၏ အသိပေးချက်အရ သိရသည်။ မန်းချောင်းရေလှောင်တမံ၏ ရေပြည့်အမှတ်သည် (၆၂၅ ) ပေရှိကာ လက်ရှိရောက်ရှိနေသည့် ရေမှတ်မှာ (၆၂၈ .၄၀) ပေသို့ ရောက်ရှိနေပြီး (၃) ပေကျော် မြင့်တက်လာခြင်းဖြစ်သည်။ ယမန်နေ့ နံနက် (၆) နာရီအချိန်တွင် ရေပိုလွှဲမှ ရေကျော်အမြင့် (၂.၂)...

ရုရှားနိုင်ငံ JSC “Rosoboronexport”ကုမ္ပဏီက ငွေကျပ်သန်း(၉၀၀)ကျော်လှူဒါန်း

မန္တလေးငလျင်ကြီးဒဏ်သင့်ခဲ့သူများအတွက် ရုရှားနိုင်ငံ JSC “Rosoboronexport”ကုမ္ပဏီက ငွေကျပ်သန်း(၉၀၀)ကျော်ကို ဇူလိုင် ၈ ရက်နံနက် ၁၀ နာရီက လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနထံလာရောက်လှူဒါန်းခဲ့သည်။ အဆိုပါ အလှူငွေကျပ်(၉၀၆ ဒသမ ၂၅၀)သန်းအား လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာစိုးဝင်းကလက်ခံရယူ၍ ကျေးဇူးတင်စကားပြောကြားပြီး ဂုဏ်ပြုမှတ်တမ်းလွှာပြန်လည်ပေးအပ်ခဲ့သည်။

ငလျင်လှုပ်ပြီး ရက် (၁၀၀) ကျော်ကြာသည်အထိ အကျပ်အတည်းများဖြင့် ရင်ဆိုင်နေရဆဲဖြစ်

ပြီးခဲ့သည့် မတ်လ (၂၈) ရက်တွင် လှုပ်ခတ်ခဲ့သည့် အင်အားပြင်း ငလျင်ကြီးလှုပ်ခတ်အပြီး ရက် (၁၀၀) ကျော်ကာလအထိ ပြည်သူများသည် အကျပ်အတည်းများဖြင့် ရင်ဆိုင်နေရဆဲဖြစ်ကြောင်း UNOCHA Myanmar ၏ ထုတ်ပြန်ချက်အရ သိရသည်။ လက်ရှိအချိန်ထိ လူသားချင်းစာနာမှုဆိုင်ရာ အဖွဲ့အစည်းများသည် လူဦးရေ (၁) သန်းကို အကူအညီများ ပေးထားပြီးဖြစ်သော်လည်း လိုအပ်ချက်များရှိနေဆဲဖြစ်ပြီး ရေရှည်အထောက်အပံ့ ပေးနိုင်ရန်အရေးကြီးကြောင်း UNOCHA Myanmar က ဆိုသည်။ ငလျင်လှုပ်ခတ်ခဲ့ပြီး သုံးလပြည့်ပြီးချိန်အထိ ရန်ပုံငွေ မလုံလောက်မှုကြောင့် တုံ့ပြန်ကူညီရေး ကြိုးပမ်းချက်များကို အကန့်အသတ်ဖြင့် ဆောင်ရွက်နေရဆဲဖြစ်ကြောင်း...

Ads Space Available

Boost your brand’s visibility with prime ad space on our website—reach your audience effectively and drive results! Call Us at: 09-420209071