အမေရိကန်ပြည်ထောင်စုနှင့် ရုရှားကိုချိတ်ဆက်မည့် ရေအောက်ဥမင်လိုဏ်ခေါင်းတစ်ခုကိုတည်ဆောက်ရန် ခရမ္မလင် သံတမန်တစ်ဦးက အဆိုပြုလိုက်ပြီး ယင်းဥမင်ကို အမေရိကန်ဘီလျံနာ အီလွန်မတ်စ်၏သည် ဘိုးရင်းကုမ္ပဏီ၏ အကူအညီဖြင့်တည်ဆောက်နိုင်ကြောင်း အကြံပြုခဲ့သည်။
ဆိုက်ဘေးရီယားနှင့် အလက်စကာကို ချိတ်ဆက်မည့် မိုင် ၇၀ အရှည်ရှိသော မီးရထားနှင့် ကုန်စည်ပို့ဆောင်ရေးလမ်းကြောင်းသည် နှစ်နိုင်ငံအကြား ပူးတွဲအရင်းအမြစ် စူးစမ်းရှာဖွေမှုကို တံခါးဖွင့်ပေးလိမ့်ဖြစ်ကြောင်း ခရမ္မလင် ရင်းနှီးမြှုပ်နှံမှုသံတမန် ကီရိုင်းလ် ဒီမစ်ထရိဗ်က ပြောကြားခဲ့သည်။
သမ္မတဒုတိယသက်တမ်းအတွင်း စွမ်းအင်ရှာဖွေတူးဖော်ရေးကို ကတိပြုထားသည့် အမေရိကန်သမ္မတ ဒေါ်နယ်ထရမ့်ပ်က ယခုအဆိုပြုချက်သည် စိတ်ဝင်စားဖွယ်ကောင်းသည်ဟု သူထင်ကြောင်း သောကြာနေ့က အိမ်ဖြူတော်တွင် ယူကရိန်းသမ္မတ ဇလန်းစကီးနှင့် အစည်းအဝေးအတွင်း သတင်းထောက်များကို ပြောကြားခဲ့သည်။
ထိုအစည်းအဝေးအတွင်း ဥမင်လိုဏ်ခေါင်းကိစ္စနှင့် ပတ်သက်၍ ထရမ့်ပ်က ဇလန်းစကီးထံမှ ထင်မြင်ချက်တောင်းခဲ့သည်။ ယူကရိန်းခေါင်းဆောင်က ယင်းစိတ်ကူးအပေါ် သူသဘောမကျဟု တုန့်ပြန်ခဲ့သည်။
ရုရှားတို-က်ရို-က်ရင်းနှီးမြှုပ်နှံမှုရန်ပုံငွေဌာန၏ စီအီးအိုလည်းဖြစ်သည့် ဒီမစ်ထရိဗ်က အမေရိကအနေဖြင့် အာတိတ်ဒေသရှိ ရုရှားနှင့် တရုတ်ပူးတွဲ ဟိုက်ဒရိုကာဗွန်ပရောဂျက်များတွင်လည်း ပူးပေါင်းပါဝင်နိုင်ကြောင်း ရေနံတူးဖော်ရေးကိုချဲ့ထွင်ရန် ရည်ညွှန်း၍ အကြံပြုပြောကြားခဲ့သည်။
Ref: အယ်ဂျာဇီးယား