မော်စကို၊ဇွန် ၃
ရုရှားသမ္မတပူတင်၊ ယူကရိန်းသမ္မတဇယ်လန်းစကီးနှင့် အမေရိကန်သမ္မတထရမ့်ပ်တို့ မကြာမီတွေ့ဆုံနိုင်ခြေမရှိသေးကြောင်း ခရမ္မလင်ပြောရေးဆိုခွင့်ရပုဂ္ဂိုလ် ဒီမစ်ထရီပက်စကော့ဗ်က ပြောကြားခဲ့သည်။
ရုရှားခေါင်းဆောင်အနေဖြင့် အဆင့်မြင့်ဆွေးနွေးပွဲများကိုကျင်းပရန် လမ်းဖွင့်ထား ဆဲဖြစ်သော်လည်း အဆိုပါအခြေအနေသို့ရောက်ရှိရန် သဘောတူညီချက်များရရှိပြီး ပညာရှင်များအဆင့်၌ ဆောင်ရွက်ပြီးမှသာ အစည်းအဝေး ကို ကျင်းပနိုင်ခြေရှိမည်ဟုယုံကြည်ကြောင်းလည်းသူက ပြောကြားခဲ့သည်။
ရုရှားနှင့်ယူကရိန်းကိုယ်စားလှယ်အဖွဲ့များသည် မကြာသေးမီအချိန်က အစ္စတန်ဘူလ်၌ ဒုတိယအကြိမ် တို-က်ရို-က် တွေ့ဆုံဆွေးနွေးခဲ့ကြပြီး အကျဉ်းသားလဲလှယ်ရေးအပါအဝင် လူသားချင်းစာနာထောက်ထားမှုဆိုင်ရာ ကိစ္စရပ်များအားဆွေးနွေးခဲ့ကြကာ ပဋိပက္ခဖြေရှင်းနိုင်ရေးအတွက် ခိုင်မာသည့်စည်းကမ်းချက်များပါဝင်သည့် ငြိမ်းချမ်းရေးအဆိုပြုချက်မူကြမ်းများကို လဲလှယ်ခဲ့ကြသည်ဟု သိရသည်။
“တကယ်ကတော့ တွေ့ဆုံဆွေးနွေးလိုက်ရုံလေးနဲ့ ချက်ချင်းဆုံးဖြတ်ချက်တွေ ချနိုင်မယ်၊ ဖေါက်ထွက်နိုင်လိမ့်မယ်လို့မျှော်လင့်နေရင်တော့မှားသွားပါလိမ့်မယ်” ဟုလည်း၎င်းကပြောကြားခဲ့သည်။
Source : ရှင်းဟွာ