ရုရှားဝန်ကြီးချုပ် မီခါအီလ် မီရှူစတင် (Mikhail Mishustin) နှင့် တရုတ်သမ္မတ ရှီကျင့်ဖိန်တို့သည် ပေကျင်းရှိ ပြည်သူ့ မဟာခန်းမကြီးတွင် နှစ်နိုင်ငံ ဆွေးနွေးပွဲတစ်ရပ်ကို ယနေ့တွင် တွေဆုံဆွေးနွေးကြသည်။
ရှီကျင့်ဖျင်နှင့် မီရှူစတင်တို့သည် စကားစမြည်မပြောမီ ဦးစွာ လက်ဆွဲနှုတ်ဆက်ကြကာ အတူတကွဓာတ်ပုံရို-က်ခဲ့ကြပြီးနောက် ဆွေးနွေးပွဲသို့ ဆက်လက်သွားရောက်ခဲ့ပါသည်။
ရုရှားဝန်ကြီးချုပ်နှင့်အတူ လိုက်ပါလာသူများမှာ ဒုတိယဝန်ကြီးချုပ်များဖြစ်ကြသော တာတီယာနာ ဂိုလီကိုဗာ(Tatyana Golikova)၊ ဒီမီထရီ ချာနီရှန်ကို(Dmitry Chernyshenko)၊ ယူရီ ထရူနစ်ဗ်(Yury Trutnev) နှင့် အလက်ဇန္ဒါး နိုဗက်(Alexander Novak)၊ တရုတ်နိုင်ငံဆိုင်ရာ ရုရှားဖက်ဒရေးရှင်း၏ အထူးအာဏာပိုင် အကြီးတန်းသံအမတ်ကြီး အီဂေါ မော်ဂူလော့ဗ်(Igor Morgulov)၊ စိုက်ပျိုးရေးဝန်ကြီး အော့ခ်ဆာနာ လု့တ်(Oksana Lut)၊ စီးပွားရေးဖွံ့ဖြိုးတိုးတက်ရေးဝန်ကြီး မက်ဇင် ရီရှက်နစ်ကော့ဗ်(Maxim Reshetnikov)၊ ဘဏ္ဍာရေးဝန်ကြီး အန်တွန် ဆီလူအာနော့ဗ်(Anton Siluanov)၊ ပို့ဆောင်ရေးဝန်ကြီး အန်ဒရေ နီကီတင်(Andrey Nikitin)၊ ဒုတိယနိုင်ငံခြားရေးဝန်ကြီး အန်ဒရေ ရူဒန်ကို(Andrey Rudenko)၊ အစိုးရအဖွဲ့ အကြီးအကဲ၏ ဒုတိယဝန်ထမ်းအကြီးအကဲ အယ်လ်မီယာ တာဂီရော့ဗ်(Elmir Tagirov) နှင့် နိုင်ငံတော် အတွင်းရေးမှူးနှင့် ဗဟိုဘဏ်၏ ဒုတိယဥက္ကဋ္ဌ အလက်ဆေး ဂူဇနော့ဗ်(Alexey Guznov) တို့ ဖြစ်ကြသည်။
ဆွေးနွေးပွဲသို့ တရုတ်နိုင်ငံဘက်မှ တက်ရောက်ကြသူများမှာ နိုင်ငံခြားရေးဝန်ကြီး ဝမ်ယိ(Wang Yi)၊ အမျိုးသား ဖွံ့ဖြိုးတိုးတက်ရေးနှင့် ပြုပြင်ပြောင်းလဲရေး ကော်မရှင်၏ ဥက္ကဋ္ဌ ကျန့်ရှန်ကျဲ(Zheng Shanjie)၊ ကူးသန်းရောင်းဝယ်ရေးဝန်ကြီး ဝမ်ဝမ်ထောင်(Wang Wentao)၊ ဘဏ္ဍာရေးဝန်ကြီး လန်ဖော်အန်(Lan Fo’an)၊ ရုရှားနိုင်ငံဆိုင်ရာ တရုတ်ပြည်သူ့သမ္မတနိုင်ငံ၏ အထူးအာဏာပိုင် အကြီးတန်းသံအမတ်ကြီး ကျန်းဟန်ဟွေး(Zhang Hanhui)၊ တရုတ်ပြည်သူ့သမ္မတနိုင်ငံ သမ္မတ၏ လက်ထောက် လူလုဟွာ(Lu Luhua)၊ တရုတ်သမ္မတ၏ ကိုယ်ရေးရုံးအကြီးအကဲ ဟန်ရှီမင်(Han Shimin)၊ နိုင်ငံခြားရေးဝန်ကြီး၏ လက်ထောက် (ဒုတိယဝန်ကြီးအဆင့်ရှိသူ)၊ နိုင်ငံခြားရေးဝန်ကြီးဌာန ဥရောပနှင့် ဗဟိုအာရှရေးရာ ဦးစီးဌာန အကြီးအကဲ လျူဘင်(Liu Bin)၊ နိုင်ငံခြားရေးဝန်ကြီး၏ လက်ထောက် (ဒုတိယဝန်ကြီးအဆင့်ရှိသူ)၊ နိုင်ငံခြားရေးဝန်ကြီးဌာန သံတမန်ရေးထုံးတမ်းစဉ်လာ ဦးစီးဌာန အကြီးအကဲ ဟုန်လေ(Hong Lei) တို့ ဖြစ်ကြသည်။